ቴዲ አፍሮ የመላው አፍሪካ ሙዚቃ ሽልማት ምርጥ የሬጌ ሙዚቃ ሽልማትን አሸነፈ

አርቲስት ቴዎድሮስ ካሳሁን (ቴዲ አፍሮ) “ናዕት” በሚለው ሙዚቃው ነው ያሸነፈው

8ኛው የመላው አፍሪካ ሙዚቃ ሽልማት (አፍሪማ) በሴኔጋል ዳካር ተካሂዷል።

በዝንድሮው የመላው አፍሪካ ሙዚቃ ሽልማት ላይ ቴዲ አፍሮ ፣ ቤቲ ጂ፣ ጉቱ አበራ፣ ሄዋን ገብረወልድና ሌንጮ ገመቹና ካስማስ በአፍሪማ ላይ በተለያዩ ዘርፎች ኢትዮጵያን በመወከል በእጩነት ቀርበው ነበረ።

• ኢትዮጵያውያን አርቲስቶች ያሸነፉበት የመላው አፍሪካ ሙዚቃ ሽልማት
• ቴዲ አፍሮ ፕሮዲዩስ ያደረገው የዓባይ ህብረ ዝማሬ በጎንደር ዩኒቨርስቲ ተመርቋል

በዚህ ውድድር ላይም ክቡር ዶከተር አርቲስት አርቲስት ቴዎድሮስ ካሳሁን (ቴዲ አፍሮ) በአፍሪማ የሙዚቃ ሽልማት ምርጥ የሬጌ ሙዚቃ ሽልማትን ማሸነፉን ድርጅቱ አስታውቋል።

አርቲስት ቴዎድሮስ ካሳሁን (ቴዲ አፍሮ) “ናዕት” በሚለው ሙዚቃው ነው የዘንድሮውን የአፍሪማ ሽልማት ምርጥ የሬጌ ሙዚቃ ሽልማትን ያሸነፈው።

በአፍሪካ የምርጥ የሬጌ ሙዚቃ ዘርፍ የኡጋንዳ፣ የናይጄሪያ፣ የኬንያ፣ የጋና፣ የታንዛኒያ እና የዚምባቡዌ አርቲስቶች በእጩነት ቀርበው ነበር።

8ኛው የመላው አፍሪካ ሙዚቃ ሽልማት (አፍሪማ) ላይ ካስማስ እና ጉቱ አበራ በተለያዩ ዘርፎች ማሸነፋቸው ይታወሳል።

የመላው አፍሪካ ሙዚቃ ሽልማት (አፍሪማ) በምርጥ የአፍሪካ ጃዝ ዘርፍ ኢትዮያዊው ጉቱ አበራ (ዴሚ) በተሰኘው የኦሮምኛ ዘፈኑ አሸንፏል።

ካስማሰ"ሰዋሰው" በተሰኘው ሙዚቃው የመላው አፍሪካ ሙዚቃ ሽልማት(አፍሪማ) በምስራቅ አፍሪካ ዘርፍ ሙዚቀኛ አሸናፊ መሆን ችሏል።

በዘንድሮው ውድድር ላይ ቤቲ ጂ በ“ሰማይ” ፣ አዲስ ለገሰ ‘እንጃ’ እንዲሁም ሌንጮ ፍቀሩ “ሰግሊ” በተሰኙ ዘፈኖቻው በዕጩነት ቀርበው ነበር።

የጃኖ ባንዷ ሔዋን ገብረወልድ በዓመቱ አዲስ ታዋቂ ዘርፍ “ሼሙና” በተሰኘ አልበሟ፤ ጃኖ ባንድ ደግሞ “በዘብናናው” በምርጥ የአፍሪካ ባንድ ሥር በእጩነት ቀርበዋል።

በ8ኛው የመላው አፍሪካ ሙዚቃ ሽልማትናይጄርያውያኑ አርቲስቶች አሳኪ፣ በርና ቦይ እና ዴቪዶ በርካታ ሽልማቶችን በመሰብሰብ የመድረኩ ድምቀት ሆነው አምሽተዋል።

የአይቮሪ ኮስታዊው ዲቢ ቢ “ታላ’ የተሰኘው ሙዚቃ የዓመቱ ምርጥ ዘፈን የተባለ ሲሆን፤ አርቲስቱ ዲቢ ቢ ያሸነፈበትን “ታላ’ የተሰኘው ሙዚቃውን ለእናቱ መታሰቢያ እንዲሆን አስታውቋል።