ኢትዮጵያ ቡሩንዲን ረታች

ከ20 ዓመት በታች የኢትዮጵያ ሴቶች ብሄራዊ ቡድን የቡሩንዲ አቻውን 5 ለባዶ ረታ፡፡

የኢትዮጵያ ከ20 ዓመት በታች የሴቶች ብሄራዊ ቡድን ለአለም ዋንጫ ቅድመ ማጣሪያ ከቡሩንዲ አቻው ጋር በቡጁንቡራ ባደረገው ጨዋታ በመጀመሪያው የጨዋታ አጋማሽ 4 ለባዶ እየመራ ወጥቶ ፣ ከረፍት መልስ ተጨማሪ አንድ ግብ በማስቀጠር በድምር ውጤት 5 ለ 0 አሸንፏል፡፡

ምርቃት ፈለቀ፣ታሪኳ ዴቢሶ፣ አረጋሽ ካልሳና ረድኤት አራቱን ግቦች ሲያስቆጥሩ፣ የታንዛኒያ ተከላካይ ደግሞ በራሷ ላይ አንዱን ግብ ማስቆጠሯን ከኢትዮጵያ እግር ኳስ ፌደሬሽን ያገኘነው መረጃ ያመለክታል ፡፡

ብሔራዊ ቡድኑ ከሜዳው ውጭ በሰፊ የጎል ልዩነት ማሸነፉ ከ20 ዓመት በታች ለአለም ዋንጫ ቅድመ ማጣሪያ የሚያደርገውን ጉዞ የሚያሳምርለት ነው፡፡

ምንጭ፡- የኢትዮጵያ እግር ኳስ ፌደሬሽን