ኳታር አዲስ ጠቅላይ ሚኒስትር ሾመች

የኳታር ጠቅላይ ሚንስትር በገዛ ፈቃዳቸው ከኃላፊነታቸው ተነሱ፡፡

የኳታሩ አሚር ሼክ ታሚን ቢን ሃማድ አል ታኒ ጠቅላይ ሚኒስትር ሼክ አብደላህ ቢን ናሰር ከሊፋ አል ታኒ ያቀረቡትን ከስልጣን የመልቀቅ ጥያቄን በመቀበል በምትካቸው ሌላ ጠቅላይ ሚኒስትር መሾማቸውን የኳታር ዜና አገልግሎት ዘግቧል፡፡

ሼክ አብደላህ ቢን ናሰር ከሊፋ አል ታኒ

ሼክ ካሊድ ቢን ከሊፋ ቢን አብዱላዚዚ አል ታኒ አዲስ ጠቅላይ ሚኒስትር እና የሀገሩስጥ ሚኒስትር በመሆን በአሚሩ መሾማቸው ተገልጿል፡፡

አዲሱ ጠቅላይ ሚኒስትር ካሊድ በአሚሩ ፊት ቃለ መሀላ የፈጸሙ ሲሆን፣ የአሚሩ ጽ/ቤት ዋና ኃላፊም ሆነው ያገለግላሉ፡፡

ትምህርታቸውን በአሜሪካ የተከታተሉት ጠቅለይ ሚኒስትሩ ከዚህ ቀደም በጋዝ ሴክተር ሰርተዋል፡፡

ተሰናባቹ ጠቅለይ ሚኒስትር ሼክ አብደላህ በጠቅላይ ሚኒስትርነት ዘመናቸው አሚሩ የሰጧቸውን አመራር አድንቀው ለዚህም አሚሩን በትዊተር ገፃቸው አመስግነዋል፡፡