ሳዲዮ ማኔ የካፍ የ2019 የአፍሪካ ምርጥ ተጫዋች ተብሎ ተሸለመ
የሊቨርፑል እና ሴኔጋል አጥቂው ማኔ ሞሀመድ ሳላን እና ሪያድ ማህሬዝን በመርታት ነው የካፍን የአመቱ ምርጥ አፍሪካዊ ተጫዋችነት ሽልማት ያሸነፈው፡፡
በእንግሊዝ ፕሪሚየር ሊግ ልዩ ጠንካራ ብቃቱን በማሳየት ላይ የሚገኘው ማኔ በግብጽ በተካሄደ ዝግጅት ላይ ሽልማቱን ትናንት ምሽት ተቀብሏል፡፡
ተጫዋጩ አሁን ላይ የፕሪሚየር ሊጉም ምርጥ ተጫዋች እንደሆነ ብዙዎች ይስማማሉ፡፡ በዘንድሮው የውድድር ዘመን ፕሪሚየር ሊጉን ለማሸነፍ ትልቅ ግምት የተሰጠው ክለቡ ሊቨርፑል ሊጉን አንድ ጨዋታ እየቀረው በ13 ነጥብ እየመራ ሲሆን ማኔ እስካሁን 15 ጎሎችን አስቆጥሯል፡፡
“ሽልማቱን በማሸነፌ በጣም ደስተኛ ነኝ፡፡ ስራዬ የሆነውን እግር ኳስ ሁሌም እወዳለሁ፡፡” ሲል ማኔ ሽልማቱን ከተቀበለ በኋላ ተናግሯል፡፡
ከመጨረሻ እጩዎች አንዱ የሆነው ሪያድ ማህሬዝ ሳዲዮ ማኔ ሽልማቱ ይገባዋል ያለ ሲሆን በትዊተር ገጹ የእንኳን ደስ አለህ መልዕክትም አስተላልፏል፡፡
ያለፉትን ሁለት ዓመታት የአፍሪካ ምርጥ ተጫዋችነት ሽልማት ያሸነፈው ግብጻዊው ሞሀመድ ሳላ ነው፡፡ ማኔ ተከታታይ ሶስት አመታትን ምርጥ ሶስት ውስጥ ገብቶ ጨርሷል፡፡
ምንጭ፡- ሲጂቲኤን
