በአፍሪካ ዋንጫ የትናንት ጨዋታ ውጤቶችና ዛሬ የሚደረጉ ተጠባቂ ጨዋታዎች

በምደብ አምስት ማሊ ከደቡብ አፍሪካ የሚያደርጉት ጨዋታ የዛሬ ተጠባቂ ፍልሚያ ነው

34ኛው የአፍሪካ ዋንጫ ባሳለፍነው ቅዳሜ መካሄድ የጀመረ ሲሆን፤ 4ኛ ቀኑን አስቆጥሯል።

ጨዋታው በትናንትናው እለት ቀጥሎ የተካሄደ ሲሆን፤ በምድብ 3 የአፍሪካ ዋንጫ ሻፒዮናዋ ሴኔጋል ከጋምቢያ እንዲሁም፤ ካሜሮን ከጊኒ ቢሳው ተገናኝተዋል።

በምድብ አራት በተደረገው አንድ ጨዋታም አልጄሪያን ከአንጎላ አገናኝቷል።

በጨዋታውም በምድብ 3 የአፍሪካ ዋንጫ ሻፒዮናዋ ሴኔጋል ከጋምቢያ ባደረጉት ጨዋታ ሴኔጋል ጋምቢያን 3ለ0 ማሸነፍ የቻለች ሲሆን፤ ፓፕ ጌዬ ከሳዲዮ ማኔ የተሻገረለትን ኳስ በ4ኛ ደቂቃ ላይ ከመረብ በማሳረፍ ሴኔጋልን መሪ ማድረግ ችሏል።

ከእረፍት መልስ ላሚን ካማራ ባስቆጠራቸው ሁለት ተጨማሪ ግቦች ሴኔጋል ጨዋታውን 3ለ0 በማሸነፍ ምድብ 3 በመምራት ላይ ትገኛለች።

በዚሁ በምድብ ሶስት የተደረገ ሌላኛው ጨዋታ ካሜሩንን ከጊኒ ያገናኘ ሲሆን፤ ጨዋታው 1ለ1 በሆነ አቻ ውጤት ተጠናቋል።

በምድብ አራት በተደረገ አንድ ጨዋታ አልጄሪያን ከአንጎለ ያገኛኘ ሲሆን፤ በጨዋታውም ሁለቱ ብሄራዊ ቡድኖች 1ለ1 በሆነ አቻ ውጤት ተለያይተዋል።

ጨዋታው ዛሬም ቀጥሎ የሚካሄድ ሲሆን፤ በምድብ 4 የተደለደሉት ቡርኪና ፋሶ እና ሞሪታኒያ ቀን 11 ሰዓት ላይ ጨዋታቸውን ያደርጋሉ።

በምድብ አምስት የተደለደሉት ታንዛኒያ እና ናሚቢያ ምሽት 2 ሰዓት ላይ ሲፋለሙ፤ በዚሁ ምድብ ደቡብ አፍሪካ ከማሊ ምሽት 5 ሰዓት ላይ ጨዋታቸውን ያደርጋሉ።