ኢሎይስ የተባለው አውሎንፋስ በሞዛምቢክ ወድመት አስከተለ

አውሎንፋሱ ማእከላዊና ሰሜናዊ የሀገሪቱን ክፍል የሚያገናኘውን ድልድይ በመስበር እንቅስቃሴ አስተጓጎለ

ሞቃታማው አውሎ ነፋስ ኤሎይስ በማዕከላዊ ሞዛምቢክ ባደረሰው ኃይለኛ ነፋስ እና ኃይለኛ ዝናብ በቤራ ፣ በማኒካ እና በኩሊማኔ ከተሞች የጥፋት ዱካውን አሳርፏል፡፡

የመንግስት ቴሌቪዢን ቲቪኤም እንደዘገበው ኤሎይስ የተባለው አውሎ ነፋስ በሕንድ ውቅያኖስ ላይ ወደ ማዕበልነት ተለውጦ በከተሞች ላይ መጥፎ የአየር ሁኔታን በማምጣት ለቴሌኮሙኒኬሽን ፣ ለትራንስፖርት ፣ ለመብራት እና ለውሃ አገልግሎቶች መቋረጥ ምክንያት ሆኗል፡፡

የቤሪያው የቴሌቪዥን ዘጋቢ የጥፋት ምስሎችን በማሳየት “መጥፎ የአየር ሁኔታ አንዳንድ ቤቶችን ያለ ጣሪያ ፣ ዛፎች እና የኤሌክትሪክ ምሰሶዎች ተገልብጠው የማስታወቂያ ምልክቶች በመሬት ላይ ተገልብጠዋል፤የሰዎች እና የመኪናዎች እንቅስቃሴ የለም” ብሏል ፡፡

በሶፋላ ግዛት የሚጠበቀው ዝናብ በ 24 ሰዓታት ውስጥ ከ 200 ሚሊ ሜትር በላይ ሊሆን እንደሚችል ከብሔራዊ ሜቲዎሮሎጂ ኢንስቲትዩት የተሰጠ መግለጫ አመልክቷል ፡፡

ጉዳት ወደ ደረሰባቸው ግዛቶች የሚደረግ በራራ ለጥንቃቄ ሲባል መሰረዙን ተነግሯል፡፡

በአውሎ ንፋሱ የተከሰተው ኃይለኛ ዝናብ ሴቭ ወንዝን (ሪዮ ሴቭ) ላይ የተሰራውን ድልድዩን ያወረደ ሲሆን ይህም መሃከለኛውን እና ሰሜናዊውን የሀገሪቱን ክፍል የሚያገናኝ ወሳኝ የመሬት መሻገሪያ በመሆኑ የትራፊክን መቋረጥን አስከትሏል፡፡