ጃፓን የምግብን ጣዕም በራሱ ጊዜ የሚመጥን ዘመናዊ ማንኪያ ሰራች

በቻርጅ የሚሰራው ይህ ማንኪያ በ28 ዶላር ለገበያ ቀርቧል

ጃፓን የምግብን ጣዕም በራሱ ጊዜ የሚመጥን ዘመናዊ ማንኪያ ሰራች፡፡

የጃፓኑ ኪሪን ሆልዲንግስ የቴክኖሎጂ ተቋም በኤሌክትሪክ የሚሰራ የምግብ ጣዕም ማጣፈጫ ማንኪያ ሰርቻለሁ ብሏል፡፡

ኩባንያው እንዳለው ከሆነ ከሁለት ዓመት በፊት ጨው ያነሳቸው ምግቦች ላይ ጨው በራሱ መጨመር የሚያስችል ማንኪያ ሰርቶ እንደነበር ገልጿል፡፡

ይሁንና ጨው አብዝቶ መውሰድ ለሰው ልጆች ጤና ጉዳት ያለው መሆኑን ተከትሎ ፈጠራውን ወደ ማሻሻል መግባቱን ኩባንያው አስታውቋል፡፡

በዚህም መሰረት በምግባችን ላይ አነስተኛ ጨው መጠን ኖሮ ነገር ግን በምላሳችን ላይ ግን የጨው መጠኑ የተስተካከለ እንዲመስል የሚያደርግ ማንኪያ ለተጠቃሚዎች ዘግጁ ሆኗል ተብሏል፡፡

ይህ ማንኪያ አንድ ጊዜ ከተገዛ በኋላ በኤሌክትሪክ ቻርጅ በማድረግ በየጊዜው መጠቀም እንደሚቻል ተደርጎ ስለመሰራቱም ኩባያው ገልጿል፡፡

አንዱ የምግብ ጣዕም ማመጣጠኛ ማንኪያ በ19 ሺህ 800 የጃፓን የን ወይም በ28 ዶላር ለገበያ ቀርቧል ተብሏል፡፡

ጃፓን የዓለም ኢኮኖሚ ደረጃዋን በጀርመን ተነጠቀች

ይህ ማንኪያ ከምላሳችን ጋር ሲገናኝ በተገጠመለት ኤሌክትሮላይት ቴክኖሎጂ አማካኝነት የምንበላው ምግብ የተመጠነ የጨው መጠን ያለው እንዲመስለን የሚያደርግ ነው፡፡

ማንኪያው በተለይም የጨው መጠናቸውን ማመጣጠን ለማይችሉ እና ብዙ ጨው መጠን እየወሰዱ በሚያስከትልባቸው የጤና ችግሮች ለተማረሩ ዜጎች ጥሩ መፍትሄ ይሆናል ተብሏል፡፡

ይሁንና ይህ ማንኪያ የጥርስ ህመም ያለባቸው፣ ነፍሰ ጡሮች እና ከነርቭ ጋር የተያያዘ ህመም ያለባቸው ሰዎች እንዳይጠቀሙት ኩባንያው ምክረ ሀሳቡን አስቀምጧል፡፡