በአርመን እና አዘርቤጃን መካከል በተካሄደው ጦርነት ከ200 በላይ ወታደሮች ተገደሉ

አርመኒያ እና አዘርቤጃን ናጋርኖ ካራባክ በተባለው ተራራማ ግዛት ምክነያት ከፈረንጆቹ 1988 ጀምሮ ፍጥጫ ውስጥ ነበሩ

በቅርቡ በድጋሚ በተቀሰቀሰው የአርመን እና የአዘርቤጃን ጦርነት ከ200 በላይ ወታደሮች ተገደሉ፡፡

ሮይርስ እንደዘገበው የአርመንያ ጠቅላይ ሚኒስትር ፓሲኒያን በአርመን እና አዘርቤጃን መካከል በተቀሰቀሰው ጦርነት 135 ወታደሮች መገደላቸውን አረጋግጠዋል፡፡

• በአርመን እና በአዘርባጃን መካከል ጦርነት ተቀስቅሶ 49 ወታደሮች ተገደሉ

አሁን 135 ወታደሮች ህይወታቸው አልፏል፤ ብዙዎች ቆስለዋል ያሉት ጠቅላይ ሚኒስትር ፓሺኒያን “እንዳለመተል ሆኖ ይህ የመጨረሻ አይደለም” ሲሉ ተናግረዋል፡፡

ሀለቱ ሀገራት በፈረንጆቹ 2020 ካደሩጉት ደምአፋሳሽ የስድስት ሳምንት ጦርነት ወዲህ በተቀሰቀሰው ጦርነት 71 ወታደሮች እንደተገደሉባት አዘርቤጃን ሪፖርት አድርጋለች፡፡

እስካሁን በሁለቱም ሀገራት የተገደሉ ወታደሮች ቁጥር ከ200 በላይ ሆኗል፡፡

አርመኒያ እና አዘርቤጃን ናጋርኖ ካራባክ በተባለው ተራራማ ግዛት ምክነያት ከፈረንጆቹ 1988 ጀምሮ ፍጥጫ ውስጥ ነበሩ፡፡ በፈረንጆቹ 1994 በተካሄድ የሰላም ድርድር ተኩስ አቁም የተፈራረሙ ቢሆንም ከዚያ ወዲህ አልፎ አልፎ ግጭት ውስጥ ሲገቡ ቆይተዋል፡፡

በቅርቡ የተጀመረውን ግጭት በሚመለከት ግን ሁለቱም ሀገራት ግጭቱን በመጀመር እየተካሰሱ ይገኛሉ፡፡ አርመን፣ የአዘርቤጃን ሃይሎች ናጎርኖ ካራባክን አልፈውጥቃት በመክፈት አርመን ውስጥ ቦታ ይዘዋል የሚል ክስ ስታቀርብ፣አዘርቤጃን ደግሞ ለተፈጸመባት ትንኮሳ ምላሽ መስጠቷን ትገልጻለች፡፡

አለምአቀፉ ማህበረሰብ ባለፈው ሀሙስ የተደረሰውን ተኩስ አቁም በአዎንታ ተቀብሎታል፡፡