ትረፊ ያላት ነፍስ

ለውበት የተደረገው የአንገት ሀብል የተተኮሰበትን ጥይት በማብረድ ህይወቱን አትርፎለታል

በአሜሪካዋ ኮሎራዶ ግዛት ፖሊስ ጣቢያ ጽህፈት ቤት በፌስቡክ ገጹ አንድ የአንገት ሀበል በደም ተነክሮ የሚያሳይ ምስልን አጋርቷል፡፡

በርካቶችን ባነጋገረው በዚህ ፎቶ ስር ይህ ከብር የተሰራ የአንገት ሀብል ጥይትን አብርዶ የሰው ህይወትን ታድጓል ብሏል፡፡

ከብር የተሰሩ የአንገት ሀብሎች በባህሪያቸው ለስላሳ እና በቀላሉ የሚበጠሱ ናቸው እንጂ ጥይትን ያህል ነገር እንዴት ሊያስቆሙ ይችላሉ? ፈጣሪ ሰውየውን ሊያተርፈው ቢፈልግ እንጂ ይህ በቀላሉ የሚሆን አይደለም ሲሉም ፖሊስ ባጋራው ምስል ላይ አስተያየታቸውን ሰጥተዋል፡፡

እንደ ፖሊስ መረጃ ከሆነ ግለሰቡ ከሰዎች ጋር የተለመደ ውይይት እያደረገ እያለ አለመግባባት ተፈጥሮ ከመካከላቸው በያዘው ሽጉጥ አንገቱ ላይ እንደተኮሰ እና እንዲሞት የተተኮሰበት ሰውም በዚህ አንገት ሀብል ምክንያት ተርፏል ሲል ኦዲቲ ሴንትራል ዘግቧል፡፡

ተዓምር በሚመስል መልኩ ጥይት የተተኮሰበት ግለሰብ አንገቱ ላይ የተወሰነ ከመቁሰል ባለፈ የከፋ ጉዳት ሳይደርስበት አንገቱ ለይ አድርጎት የነበረው ሀብል ህይወቱን እንደታደገለትም ፖሊስ ገልጿል፡፡

የተጎጂን ማንነት ያልገለጸው ፖሊስ ግለሰቡ ዳግም እንደተወለደ ይቆጠራም ብሏል፡፡

በወንጀሉ ላይ ተሳትፈዋል የተባሉ ተጠርጣሪዎች ተይዘው ለእስር ተዳርገዋል የተባለ ሲሆን በቀጣይ አጥፊዎች ተገቢውን ቅጣት እንደሚያገኙም ፖሊስ ገልጿል፡፡