ታሪኩ ብርሃኑ ባደረበት ህመም ምክንያት በትናትናው እለት ህይወቱ አልፏል
የአርቲስት ታሪኩ ብርሃኑ (ባባ) ሥርዓተ ቀብር በዛሬው እለት ተፈጸመ።
የአርቲስት ታሪኩ ብርሃኑ (ባባ) ሥርዓተ ቀብር በዘሬው እለት ቤተሰቦቹ እና ወዳጅ ዘመዶቹ በተገኙበት በመንበረ ጸባኦት ቅድስት ስላሴ ካቴድራል ተፈጽሟል።
የአርቲስት ታሪኩ ብርሃኑ (ባባ) ባደረበት ህመም ምክንያት በትናትናው እለት ህይወቱ አልፏል
አል ዐይን አማርኛ ከአርቲስት ታሪኩ ብርሃ (ባባ) አብሮ አደጎች ባገኘው መረጃ መሰረት አርቲስት ታሪኩ ረዘም ጊዜ ህመም ላይ እንደነበረ እና ላለፉት ወራት ህክምና እየተከታተለም ነበር።
አርቲስት ታሪኩ ብርሃኑ (ባባ) በህክምና ላይ እያለ ትናንት ማለዳ ህይወቱ ሊያልፍ መቻሉን የአርቲስቱ አብሮ አደጎች ነግረውናል።
አርቲስት ታሪኩ ብርሀኑ በአዲስ አበባ አዲስ ከተማ ክፍለ ከተማ በተለምዶ ተክለሀማኖት ተብሎ በሚጠራው አካባቢ ነው ተወልዶ ያደገው።
ከልጅነቱ ጀምሮ በአካባቢው ባሉ የኪነ ጥበብ ማህበራት ተሳትፎን ሲያደርግ የነበረው አርቲስት ታሪኩ ገና በለጋ እድሜው በብዙ ፊልሞች ላይ ተውኗል።
በ30ዎቹ የእድሜ ክልል ውስጥ ያለው አርቲስት ታሪኩ ከ40 በላይ የአማርኛ ፊልሞች ላይ በመተወን ብዙ አድናቆቶችን እና ሽልማቶችን አግኝቷል።
አርቲስት ታሪኩ ከተወነባቸው ፊልሞች መካከልም 300ሺ፣ የፍቅር ABCD ፣ ብላቴና፣ ቦሌ ማነቂያ ፣ እንደ ባል እና ሚስት ፣ ኢንጂነሮቹ ፣ እርቅ ይሁን ፣ ኢዮሪካ ፣ ጉዳዬ ፣ ሀገርሽ ሀገሬ ፣ ሕይወቴ ፣ ህይወት እና ሳቅ ፣ ከባድ ሚዛን ፣ ፍቅር እና ፌስቡክ ፣ ከቃል በላይ፣ላውንድሪ ቦይ ፣ ኮከባችን ፣ ማርትሬዛ ፣ ይመችሽ-የአራዳ ልጅ 2 ፣ ሞኙ የአራዳ ልጅ ፣ ትዳርን ፍለጋ ፣ አንድ ሁለት ፣ ወደው አይሰርቁ፣ ወፌ ቆመች፣ ወንድሜ ያዕቆብ ፣ እንደ ቀልድ ፣ ወቶ አደር፣ አባት ሀገር፣ የሞግዚቷ ልጆች፣ ይዋጣልን ፣ ዋሻው፣ ወሬ ነጋሪ እና ወጣት በ97 ዋነኞቹ ናቸዉ።
በተወለደ በ38 ዓመቱ ትናንት ያረፈው አርቲስት ታሪኩ ብርሃኑ የአንድ ወንድ ልጅ አባት ነበር።
