ቻይና በአፍሪካ ቀንድ ልዩ መልዕክተኛ እንደምትሾም አስታወቀች

የቻይና የአፍሪካ ቀንድ ልዩ መልእክተኛ አሜሪካ በቀጠናው ካላት ልዩ መልእክተኛ ጋር አቻ የሆነ ሚና አለው

ቻይና በአፍሪካ ቀንድ ልዩ መልዕክተኛ እንደምትሾም የሀገሪቱ የውጭ ጉዳይ ሚኒስትር ዋንግ ዪ አስታወቁ።

የቻይናው የውጭ ጉዳይ ሚኒስትር ዋንግ ዪ በኬንያ የስራ ጉብኝት ባደረጉበት ወቅት ይህንን ማለታቸውን ሮይተርስ ዘግቧል።

• ኤርትራው ፕሬዚዳንት ኢሳያስ አፈወርቂ ቻይናን እንዲጎበኙ ግብዣ ቀረበላቸው

ቻይና የምትሾመው የአፍሪካ ቀንድ ልዩ መልዕክተኛ በቀጠናው ያሉ ሀገራት የሚያጋጥሟቸውን የፀጥታ እና ደህንነት ስጋቶችን ለመቀልበስ የሚያደርጉትን ጥረት ለመደገፍ መሆኑንም የውጭ ጉዳይ ሚኒስትሩ አስታውቀዋል።

በምስራቅ አፍሪካ ቀጠና ያሉ ሀገራ በሀገራቸው ውስጥ ያሉ ግጭቶችን በሰላማዊ መንገድ ተወያይተው ሊፈቱ ይገባል ያሉት የውጭ ጉዳይ ሚኒስትሩ፤ በቀጠናው ሰላማዊ ድርድሮች እንዲካሄዱም ቻይና ሁኔታዎችን የሚያመቻች ተጠሪነቱ ለሀገሪቱ የውጭ ጉዳይ ሚኒስቴር የሆነ ልዩ መልዕክተኛ በቅርቡ ተልካለች ብለዋል።

ከኬንያ አቻቸው ጋር በወደብ ከተማዋ ሞምባሳ የተወያዩት የቻይናው የውጭ ጉዳይ ሚኒስትር ዋንግ ዪ፤ የአፍሪካ ቀንድ ሀገራት የቀጣናውን እጣ ፈንታ በእጃቸው ማስገባት አለባቸው ብለዋል።

• ቻይና “የኢትዮ-ቻይና ግንኙነት ጠንካራና የማይሰበር ነው” ማለቷን ውጭ ጉዳይ ሚኒስቴር ገለጸ

በምስራቅ አፍሪካ የሚገኙ ሁሉም ሀገራት በአፍሪካ ቀንድ ሰላም ላይ ጉባኤ እንዲያደርጉም የቻይናው የውጭ ጉዳይ ሚኒስትር ዋንግ ዪ ሃሳብ አቅርበናል።

አሜሪካ ከ9 ወር በፊት የምስራቅ አፍሪካ ጉዳይን በቅርበት ለመከታተል በሚል ጄፍሪ ፌልትማንን የቀጠናው ልዩ መልእክተኛ አድርጋ መሾሟ ይታወሳል።

ቻይና በምስራቅ አፍሪካ ቀጠና አዲስ መልክእተኛ እንደምትሾም ያስታወቀችውም ላለፉት 9 ወራት በቀጠናው የአሜሪካ ልዩ መልእክተኛ ጄፍሪ ፌልትማን ስልጣናቸውን እንደሚለቁ በትናትናው እለት መሰማቱን ተከትሎ ነው።