በአዲስ አበባ 15 ሺህ ገደማ አሽከርካሪዎች የነዳጅ ድጎማ ተጠቃሚ እንደሆኑ ተገልጿል
የነዳጅ ድጎማ በአዲስ አበባ
በአዲስ አበባ በድጎማ የወሰዱትን ነዳጅ ከታለመለት ዓላማ ውጪ ሲጠቀሙ የተገኙ 1 ሺህ 858 ተሽከርካሪዎች ከነዳጅ ድጎማ ሲስተም መታገዳቸው ተገልጿል።
በበጀት ዓመቱ የነዳጅ ድጎማ ተጠቅመው የተመደቡበትን መስመራቸውን ያልሸፈኑ 513 ተሸከርካሪዎችን እንዲሁም በድጎማ የወሰዱትን ነዳጅ ከታለመለት ዓላማ ውጪ ሲጠቀሙ የተገኙ 1 ሺህ 858 በድምሩ 2 ሺህ 271 ተሽከርካሪዎች ከነዳጅ ድጎማ ሲስተም መታገዳቸውን የአዲስ አበባ ከተማ ንግድ ቢሮ ገልጿል፡፡
በከተማዋ 14 ሺህ 900 የህዝብ ትራንስፖርት ሰጪ ተሸከርካሪዎች የድጎማ ነዳጅ ተጠቃሚዎች ሆነዋልም ተብሏል።
