በቻን የአፍሪካ ዋንጫ ኢትዮጵያ ወደ መጨረሻው ማጣርያ ተቀላቀለች
በቻን የአፍሪካ ዋንጫ ማጣያ ጨዋታ የኢትዮጵያ ብሄራዊ ብዱን (ዋሊያዎቹ) የደቡብ ሱዳን አቻቸውን 5ለ0 በሆነ ሰፊ የነጥብ ልዩነት አሸነፉ።
የኢትዮጵያን የማሸነፊያ ጎሎች፤ ረመዳን የሱፍ፣ አማኑኤል ገ/ሚካኤል፣ እና መስኡድ መሃመድ ያስቆጠሩ ሲሆን፤ የደቡብ ሱዳኑ ፒተር ሜከር ደግሞ በራሱ ጎል ላይ አንዷን ጎል አሰቆጥሯል።
ኢትዮጵያ እና ደቡብ ሱዳን የመጀመሪያ የማጣሪያ ጨዋታቸውን ያለ ምንም ጎል የተለያዩ ሲሆን፤ በዛሬው ሁለተኛ ጨዋታ ኢትዮጵያ በሰፊ የግብ ልዩነት በማሸነፏ ወደ ቀጣይ ዙር አልፋለች።
የኢትዮጵያ ብሄራዊ ቡድን በቀጣይ ከ ሩዋንዳ አቻቸው ጋር የደርሶ መልስ ጨዋታቸውን የሚያካሂዱ ይሆናል ።
ቻን በሀገር ውስጥ ሊግ በሚጫወቱ ተጫዋቾች የሚዋቀሩ ብሄራዊ ቡድኖች መካከል ለሚካሄደው የአፍሪካ ዋንጫ ውድድር ነው።
የ2023 አፍሪካ ሀገራት ዋንጫ (ቻን) በአልጄሪያ አስተናጋጅነት እንደሚካሄድ የወጣው መርሃ ግብር ያመለክታል።
