ንግዳቸው የሰመረላቸው የቀድሞ እግር ኳስ ተጫዋቾች

በቅርቡ ጫማቸውን የሰቀሉት አንድሬስ ኢኔሽታ እና ጀራርድ ፒኬ ንገዳቸው ሰምሮላቸዋል ተብሏል

ንግዳቸው የሰመረላቸው የቀድሞ እግር ኳስ ተጫዋቾች

እግር ኳስ ተወዳጅ ከሆኑ ስፖርቶች መካከል አንዱ ሲሆን የሙሉ ጊዜ ሙያቸው ለሆኑት ደግሞ ከፍተኛ ገቢ በማስገኘትም ይታወቃል፡፡

ተጫዋቾች በወጣትነት እድሜያቸው የሚገኙትን ገንዘብ በማጠራቀም ጉልበታቸው ሲደክም እና እድሜያቸው ሲጨምር ከውድድሮች ሲርቁ ወደ የሚወዷቸው ስራዎች ያዘነብላሉ፡፡

በርካቶች ከእግር ኳስ ጋር የተያያዘ ስራቸውን ሲቀጥሉ ቀሪዎቹ ደግሞ በወደዷቸው ሌሎች የስራ መስኮች ላይ ይሰማራሉ፡፡

የአርሰናሉ የቀድሞ የመሃል ሜዳ አማካኝ ፈረንሳዊው ማቲው ፍላሚኒ ከእግር ኳስ ውጪ በሆኑ ንግዶች ላይ ተሰማርቶ ስኬታማ መሆኑ ተገልጿል፡፡

ጂኤፍ ባዮ ኬሚካልስ የተሰኘ ኩባንያ ባለቤት የሆነው ፍላሚኒ ለህክምና እና ሌሎች አገልግሎቶች የሚውሉ ኬሚካሎችን በማምረት ዝነኛ ኩባንያ ሆኗል፡፡

ከ10 ቢሊዮን ዶላር በላይ ሀብት ያለው ይህ ኩባንያ እንደ ቅንጡ ሽቶዎችን እና ተያያዥ ምርቶችንም በማምረት ይታወቃል፡፡

ሌላኛው ንግዱ የሰመረለት እና ስኬታማ ሆኗል የተባለው የቀድሞው የማንችስተር እና ኤቨርተን ተጫዋች ልዊዝ ሳሃ ሲሆን አክሲ ስታርስ የተባለ ኩባንያ አለው ተብሏል፡፡

ይህ ኩባንያ ለስፖርተኞች እና የንግድ ሰዎች የቢዝነስ ምክር አገልግሎት በመስጠት የሚታወቅ ሲሆን አምስት ቢሊዮን ዶላር ዋጋ እንዳለው ተገልጿል፡፡

እንግሊዛዊያኑ ዴቪድ ቤካም ፣ሪዮ ፈርዲናልድ እና ማይክል ኦውን ስኬታማ ከሆኑ የቀድሞ ተጫዋቾች መካከል መሆናቸውን ቢዝነስ ስታንዳርድ ዘግቧል፡፡

ዴንማርካዊው ማርቲን ብሬዝዌይት ከሚጫወትበት ባርሴሎና ክለብ እግር ኳስ ራሱን ካገለለ በኋላ የቤት ውስጥ መገልገያ እቃዎችን የሚያቀርብ ድርጅት መስርቶ ስኬታማ እንደሆነ ተገልጿል፡፡

ባንድ ወቅት ሀብታም የነበሩ እና አሁን በድህነት ውስጥ ያሉ እግር ኳስ ተጫዋቾች

የቀድሞው የኤቨርተን እና ሪያል ማድሪድ ተጨዋች የነበረው ቶማስ ግራቨርሰን በአሜሪካ ታዋቂ ባርና ሬስቶራንቶችን ጨምሮ ከዚሁ ጋር ተያያዥ የሆኑ ስኬታማ የንግድ ስራዎችን በመስራት ላይ ነው ተብሏል፡፡

ስፔናዊያኑ የቀድሞው የባርሴሎና ኮኮቦቹ አንድሬስ ኢኔሽታ እና ጄራርድ ፒኬ አሁን ላይ በንግዱ እየተሳካላቸው ካሉ ተጫዋቾ መካከል ሆነዋል፡፡

ፒኬ ኮስሞስ የተሰኘው የስፖርት እና ሚዲያ ኩባንያ ከመስራቾቹ መካከል አንዱ ሲሆን ኢኔሽታ ደግሞ በወይን ንግድ እና በስፖርት ሚዲያ ቴክኖሎጂ ዘርፍ መሰማራቱ ተገልጿል፡፡