ፕሬዝደንት ኡሁሩ ኬንያታ የቀድሞ ፕሬዝደንት ኪባኪን ህልፈተ ህይወት ይፋ አድርገዋል
የቀድሞ የኬንያ ፕሬዝዳንት ምዋይ ኪባኪ በ90 አመታቸው ከዚህ አለም በሞት ተለዩ።
የኪባኪን ሞት ያሳወቁት ፕሬዚዳንት ኡሁሩ ኬንያታ ህልፈታቸው ለሀገሪቱ አሳዛኝ ቀን እንደሆነ እና የቀድሞ መሪውን እንደ ታላቅ ኬንያዊ አወድሰዋል።
"ምዋይ ኪባኪ በኬንያ ፖለቲካ ውስጥ እንደ ጨዋ ሰው፣ ድንቅ ተከራካሪ እና በሀገሪቱ እድገትን እንደመራ ሰው ለዘላለም ሲታወሱ ይኖራሉ" ብለዋል ኬንያታ።
ኪባኪ በፈረንጆቹ ከ2002 እስከ 2013 ኬንያን ለሁለት ዙር በፕሬዝዳንትነት አገልግለዋል።
በፈረንጆቹ በ2007 ለሁለተኛ ጊዜ መመረጣቸው ድላቸው በተቃዋሚው ራይላ ኦዲንጋ ክርክር ያጋጠማቸው ሲሆን ይህም ረጅሙን የስራ ዘመናቸውን ጎድቷል፡፡
በኬንያ የውጭ ኃይሎች ጣልቃ በመግባት በመካከላቸው ያለውን አለመግባባት ከመፍታታቸው በፊት በጎሳ ግጭት በሺ የሚቆጠሩ ሰዎች ተገድለዋል፡፡
