በ2014 ግማሽ ዓመት ከ3400 በላይ የሳይበር ጥቃት ሙከራዎች ተደርገዋል-ዶ/ር ሹመቴ ግዛው

ባንኮች፤ሚኒስቴር መስሪያ ቤቶች፤ የትምህርት ተቋማትና ሚዲያዎች የሳይበር ጥቃቱ ኢላማ ካደረጋቸው ተቋማት መካከል መሆናቸው ተገልጿል

የኢንፎርሜሽን መረብ ደህንነት ኤጀንሲ(ኢንሳ) ዋና ዳይሬክተር ዶ/ር ሹመቴ ግዛው በግማሽ ዓመቱ ቢደርሱ ከፍተኛ ጉዳት ሊያስከትሉ የሚችሉ ከ3400 በላይ የሳይበር ጥቃት ሙከራዎች ተሰንዝረው ነበር ብለዋል፡፡

በግማሽ ዓመቱ የተሰነዘሩ የሳይበር ጥቃቶች ከዚህ ቀደም በአንድ ዓመት ውስጥም ታይቶ አያውቅም ብለዋል።

ዶ/ር ሹመቴ እንደገለጹት ከፍተኛ ሙከራ የተደረገው እና 33 በመቶ የሚሸፍነው የሳይር ጥቃት ሙከራ ኢላማ ያደረገው በመሰረተ ልማት ቅኝት ላይ ነበር፡፡

• የግድቡን 2ኛ ዙር ሙሌት ለማደናቀፍ በ37 ሺህ ኮምፒውተሮች ላይ ተነጣጥሮ የነበረ የሳይበር ጥቃት ማከሸፍ ተችሏል- ዶ/ር ሹመቴ ግዛው
• ኢትዮጵያ ፌስቡክንና ትዊተርን በሀገራዊ የማህበራዊ ትስስር ገጽ የመተካት እቅድ እንዳላት አስታወቀች

ዋና ዳይሬክተሩ በሰጡት መግለጫ በመሰረተ ልማቶች ቅኝት፣ በድረ-ገጽ፣ በሰርጎገብ፣በማልዌር፤መሰረተልማት ማቋረጥ እና ማህበራዊ ሚዲያን በመጥለፍ የጥቃት ሙከራች መደረገቸውን ገልጸዋል፡፡

የተሰነዘሩ የጥቃት አይነቶችም በቅደም ተከተል፡-

1 የመሰረተ ልማት ቅኝት 33 በመቶ

2 ድረ ገጽ 25 በመቶ

3 ሰርጎ ገብ (ባይፓስ) 21 በመቶ

4 ማልዌር 19 በመቶ

5 መሰረተ ልማት ማቋረጥ 10 በመቶ

6 ሶሻልሚዲያ ጠለፋ 8 በመቶ

7 ኦንላይን ማጭበርበር 2 በመቶ

በተሰነዘሩት ጥቃቶች ባንኮች፤አንሹራንስ ተቋማት፤ ማይክሮ ፋይናንስ ተቋሞች፣ሚኒስቴር መስሪያ ቤቶች፤ የትምህርት ተቋማትና ሚዲያዎች መሆናቸውን ዶ/ር ሹመቴ ገልጸዋል፡፡

የታላቁዉን የኢትዮጵያ ህዳሴ ግድብ 2ኛ ዙር የውሃ ሙሌት ለማደናቀፍ በ37ሺ ኮምፒውተሮች ለይ ጥቃት ተሰንዝሮ እንደነበር ኢንሳ ባለፈው ነሃሴ ወር መስታወቁ ይታወሳል፡፡

ዶ/ር ሹመቴ ተነጣጥሮ የነበረውን የሳይበር ጥቃትን ቀድሞ ማከሸፍ መቻሉን መግጻቸው ይታወሳል፡፡