ሉላ የብራዚሉን ምርጫ አሸንፈዋል፤ ቦልሴናሮ ውጤቱን አልተቀበሉም

የብራዚሉ የግራ ዘመም መሪ ሉላ ዳ ሲልቫ በጠባብ ውጤት ፕሬዝደንት ቦልሴናሮን አሸንፈዋል

በብራዚል በተካደው ምርጫ የብራዚሉ የግራ ዘመም መሪ ወይም ሌፍቲስት መሪ ሉላ ዳ ሲልቫ በጠባብ ውጤት ፕሬዝደንት ቦልሴናሮን አሸንፈዋል፡፡

ሀገሪቱን እየመሩ ያሉት ቀኝ ዘመሙ የወቅቱ ፕሬዝደንት ቦልሴናሮ ውጤቱን አልተቀበሉም፤ ይህም በውጤቱ ላይ ክርክር ያስነሳል የሚል ፍርሃት ፈጥሯል፡፡

• የቀድሞው የብራዚል የኦሎምፒክ ኮሚቴ ፕሬዝዳንት 30 ዓመት ተፈረደባቸው

የጠቅላይ ምርጫ ፍርድ ቤት (ቲኤስኢ) ሉላን ቀጣዩ ፕሬዝዳንት ብሎ አውጇል፡፡ ቦልሴናሮ የተሸነፉት በ49 ነጥብ 1 በመቶ በሆነ ድምጽ ነው፡፡

የ77 ዓመቱ የሉላ በዓለ ሲመት ጥር 1 ቀን እንደተያዘላቸው ሮይተርስ ዘግቧል፡፡ ምርጫው በብራዚል ስልጣን ላይ ያለ መሪ የተሸነፈበት ሲሆን የቀድሞው ግራ ዘመም ፕሬዝደንት ደግሞ በአስደናቂ ሁኔታ ያሸነፉበት ነው፡፡

"እስካሁን ቦልሶናሮ ለድሌ እውቅማ ለመስጠት አልደወለልኝም፤ ሊደውል እንደሚችልም አላውቅም" ሲሉ ሉላ በአስር ሺዎች ለሚቆጠሩት በሳኦ ፓውሎ ፓውሊስታ ጎዳና ለተሰበሰቡ ደጋፊዎቻቸው ተናግሯል።

የቦልሶናሮ ዘመቻ ምንጭ ለሮይተርስ እንደተናገረው ፕሬዝዳንቱ እስከ ሰኞ ድረስ የህዝብ አስተያየት አይሰጡም ። የቦልሶናሮ ዘመቻ ለአስተያየት ጥያቄ ምላሽ አልሰጠም።

ቦልሶናሮ ባለፈው ዓመት የብራዚል የኤሌክትሮኒክስ ድምጽ አሰጣጥ ስርዓት ለማጭበርበር የተጋለጠ ነው በማለት መሠረተ ቢስ የይገባኛል ጥያቄዎችን በማቅረብ የምርጫውን ውጤት ላለመቀበል በግልፅ ተናግረዋል፡፡

አንድ የቅርብ የቦልሶናሮ አጋር የሕግ ባለሙያ ካርላ ዛምቤሊ በውጤቱ ላይ በግልጽ በመንገር በትዊተር ላይ “ቃል እገባላችኋለሁ ፣ ሉላ ያሰበው ትልቁ ተቃዋሚ እሆናለሁ” ሲሉ ጽፈዋል ።