ሜሲ በኢንተር ሚያሚ የመጀመሪያ ጨዋታው ጎል አስቆጠረ

ኢንተር ሚያሚ የሜክሲኮውን ክለብ አዙል 2 ለ 1 አሸንፏል

አርጀንቲናዊው ኮከብ ሊዮኔል ሜሲ ለአዲሱ ክለቡ ኢንተር ሚያሚ የመሀመሪያውን ጎል አስቆጥሯል።

የሜጀር ሊግ ሶከር ክለቡ የሜክሲኮውን ክለብ አዙል በሊግ ካፕ ፍልሚያ ሲያስተናግድ ሜሲ የመጀመሪያ ጨዋታውን አድርጓል።

የጨዋታው ሙሉ 90 ደቂቃ ተጠናቆ በተሰጠ ተጨማሪ ስአትም ሜሲ የቅጣት ምት ጎል አስቆጥሮ ኢንተር ሚያሚኢ 2 ለ 1 በሆነ ውጤት አሸንፏል።

20 ሺህ ተመልካቾችን በሚይዘውና በፍሎሪዳ በሚገኘው ዲአርቪ ፒኤንኪ ስታዲየም ታዋቂዋ የቴኒስ ተጫዋች ሴሪና ዊሊያምስ እና የቅርጫት ኳስ ኮከቡ ለብሮን ጀምስ ተገኝተው ጨዋታውን ተመልክተዋል።

“ጅማሬውን በድል ማድረግ እንፈልግ ነበር፤ እስከ ፍጻሜውም በዚሁ እንቀጥላለን፤ ደስተኛ ነኝ” ብሏል ሊዮኔል ሜሲ ከጨዋታው በኋላ በሰጠው አስተያየት።

• ሜሲ በአሜሪካው ኢንተር ሚያሚ እስከ 2025 የሚያቆየውን ኮንትራት ፈረመ

የ36 አመቱ ሜሲ ከፈረንሳዩ ፓሪስ ሴንት ጄርሜን ለቆ ኢንተር ሚያሚን ባለፈው ሳምንት በይፋ መቀላቀሉ ይታወሳል።

ከክለብ አጋሮቹ ጋርም የመጀምሪያ ልምምዱን ባለፈው ማክሰኞ አድርጓል።

የሰባት ጊዜ የባሎንዶር አሸናፊው ከባርሴሎና ፒኤስጂን ተቀላቅሎ ባሳለፋቸው ሁለት አመታት 75 ጨዋታዎችን አድርጎ 32 ጎሎችን ማስቆጠሩን የቢቢሲ መረጃ አውስቷል።