ልጇን ለ10 ቀናት ብቻዋን በመተው ስትዝናና የነበረች እናት በነፍስ ግድያ ክስ ተመሰረተባት

የ31 ዓመቷ ክሪስቴል ካንደላሪዮ ክስ የተመሰረተባት ለልጇ ምላሽ ሳትሰጥ በመገኘቷ ነው

ልጇን ለ10 ቀናት ብቻዋን በመተው ስትዝናና የነበረች እናት በነፍስ ግድያ ክስ ተመሰረተባት

አንድ የኦሃዮ እናት የ16 ወር ልጇን ለእረፍት ስትወጣ ለ10 ቀናት ብቻዋን ቤት ጥላ በመሄዷ በነፍስ ግድያ ክስ ተመስርቶባታል። 

የ31 ዓመቷ ክሪስቴል ካንደላሪዮ ተይዛ ክስ የተመሰረተባት ልጇን ጄሊን በክሊቭላንድ ቤታቸው ምላሽ ሳትሰጥ በመገኘቷ ነው ሲል ፖሊስ ተናግሯል።

 የኩያሆጋ ግዛት የህክምና መርማሪ ጽህፈት ቤት እንደገለጸው የህጻኗ አካል "ምንም አይነት የአሰቃቂ ምልክቶች" አላሳየችም።

መርማሪዎች "ልጁ ለ 10 ቀናት ያህል ብቻዋን እና ክትትል ሳይደረግላት ቆይታ እናም ከዚያ በኋላ ህይወቷ አልፏል" ብለዋል።

 ተጠርጣሪዋ ለእረፍት ወደ ፖርቶ ሪኮ እና ዲትሮይት ተጉዛ እንደነበር የእስር ማረጋገጫው ያስረዳል።

 መርማሪዎቹ እንደተናገሩት ተጠርጣሪዋ ቤት እንደደረሰች ልጇ “በጣም ድርቀት” እንዳጋጠማት ተናግራለች ብለዋል። 

መርማሪው የህጻኗ ልብስ በሽንት እና በሰገራ የተሞላ ነበር ብሏል።

ተጠርጣሪዋ እናት በአንድ ሚሊዮን ዶላር የዋስ ክፍያ እንደወጣባት ተነግሯል።

"ጄሊን ደስተኛ ህጻን ነበረች። ሁል ጊዜ ፈገግ የምትል፣ ሁል ጊዜ ነገሮችን ለማወቅ ትጓጓ ነበር። እሷ ግሩም፣ ድንቅ ልጅ ነበረች" ሲሉ አንድ ጎረቤት ተናግረዋል።

 ተጠርጣሪዋ ልጇን ብቻዋን ጥላ ስትሄድ የመጀመሪያ ጊዜ እንዳልሆነ ተናግራለች።