ልዩልዩ
ከአለም በእድሜ ትልቁ ጉሬላ በአትላንታ መካነ እንሰሳ ህይወቱ አለፈ
በመካነ እንሰሳው ከሚገኙት 20 ጉሬላዎች መካከል ኦዜን ጨምሮ 18ቱ በኮሮና ተይዘው ነበር
በአለም ከሚገኙት ሶስት እድሜ ጠገብ ጉሬላዎች አንዱ የሆነው ኦዜ ከሶስት ቀን በፊት ሞቱ ተገኝቷል
ኦዜ የተሰኘው ከአለም በእድሜ ትልቁ ጉሬላ ህይወቱ አለፈ፡፡
ጉሬላው እድሜው 61 ነው፡፡
የኦዜ ሞት ምክንያት እስካሁን አለመታወቁና የመካነ እንሰሳው ባለስልጣናት የምርመራ ውጤት እየጠበቁ መሆኑን ፎይተርስ ዘግቧል፡፡
“የመከነ እንሰሳው ቤተሰቦች ከአለም ትልቁ በሆነው የጎሬላ ሞት ልባቸው ተሰብሯል፤ በአትላንታ መካነ እንሰሳት ትልቁ፤ በአለም ከሚገኙት ሶስት እድሜ ጠገብ ጉሬላዎች አንዱ የሆነው ኦዜ ከሶስት ቀን በፊት ሞቱ መገኘቱን” የወጣው መግለጫ ጠቅሷል፡፡
ህይወቱ ያለፈው ኦዜ ኩቺ የተባች ሴት እና ኬክላ እና ስታዲ የተባሉ ወንድ ልጆች አባት መሆኑ ተዘግቧል፡፡በፈረንጆቹ ባለፈው መስከረም በአትላንታ መካነ እንሰሳ ከሚገኙት 20 ጉሬላዎች መካከል ኦዜን ጨምሮ 18ቱ የኮሮና ቫይረስ ተጠቂዎች ነበሩ፡፡
