ፕሮፌሰር ሙላቱ ለማ የዓመቱ ምርጡ ፕሮፌሰር በሚል ተመረጡ

ፕሮፌሰር ሙላቱ ከአራት ዓመት በፊት ከፕሬዝዳንት ዶናልድ ትራምፕ ሽልማት ተበርክቶላቸው ነበር

ፕሮፌሰር ሙላቱ ለማ የዓመቱ ምርጡ ፕሮፌሰር በሚል ተመረጡ፡፡

ዋና መቀመጫውን አሜሪካ ያደረገው ዓለም አቀፉ የፕሮፌሰሮች ማህበር ኢትዮጵያዊውን ፕሮፌሰር ሙላቱ ለማ የዓመቱ ምርጥ ምሁር በሚል እውቅና ሰጥቷል፡፡

ማህበሩ በየዓመቱ በመላው ዓለም ላሉ ፕሮፌሰሮች እውቅና የሚሰጥ ሲሆን የ2023 ዓመት እውቅናን ለኢትዮጵያዊው የሂሳብ ፕሮፌሰር ማድረጉ ተገልጿል፡፡

በመላው ዓለም ያሉ ፕሮፌሰሮች ባስገኙት ስኬት፣ የትምህርት አመራር፣ በሙያው ላይ ባደረጉት ቆይታ እና ሌሎች ጥረቶችን ከግምት ውስጥ በማስገባት በየዓመቱ በዚህ ማህበር ይሸለማሉ፡፡

በኢትዮጵያ ያለው የአሜሪካ ኢምባሲ ባወጣው መረጃ መሰረት ፕሮፌሰር ሙላቱ ተሰማ የመጀመሪያ እና ሁለተኛ ድግሪያቸውን ከአዲስ አበባ ዩንቨርሲቲ አግኝተዋል፡፡

የሶስተኛ ድግሪያቸውን ደግሞ በአሜሪካው ኬንት ስቴት ዩንቨርሲቲ እንዳገኙ የተገለጸው ፕሮፌሰር ሙላቱ ላለፉት 28 ዓመታት ደግሞ በዚያው በአሜሪካ ሳቫና ስቴት ዩንቨርሲቲ በማስተማር ላይ እንደሆኑ ተገልጿል፡፡

የኢትዮጵያ አየር መንገድ ወደ አራት ከተሞች አዲስ በረራ ሊጀምር መሆኑን ገለጸ

ፕሮፌሰር ሙላቱ ከአራት ዓመት በፊት በቀድሞው የአሜሪካ ፕሬዝዳንት ዶናልድ ትራምፕ ሽልማት ተበርከቶላቸው እንደነበር አይዘነጋም፡፡

ምሁሩ በፈረንጆቹ 2020 ላይ ከፕሬዝዳንት ትራምፕ ሽልማት የተበረከተላቸው ለቀጣዩ ትውልድ ሳይንስ እና ሂሳብ ትምህረቶች ባበረከቱት አስተዋጽኦ ምክንያት ነበር፡፡

ፕሮፌሰር ሙላቱ ወጣት የሳይንስ እና ሒሳብ ተማሪዎችን በማማከር፣ በማሰልጠን እና በማብቃት ለዓመታት መስራታቸው ለበርካታ ሽልማቶች እንዳበቃቸው ተገልጿል፡፡