1445ኛው የረመዳን ፆም ነገ ይጀመራል

ረመዳን ከአምስቱ የእስልምና ማዕዘናት ውስጥ አንዱ ነው

የረመዳን ጾም ነገ ሰኞ እንደሚጀመር ተገለጸ።

በሳዑዲ አረቢያ መንግሥት የጨረቃ ክትትል ኮሚቴ የረመዳን ወር ጨረቃ ዛሬ በተሟላ መልኩ መታየቷን አስታውቋል።

ረመዳን በሂጅራ አቆጣጠር ዘጠነኛው ወር የሚውል ሲሆን በሙስሊሞች ዘንድ የጾምና ጸሎት ወር ነው።

ረመዳን ከአምስቱ የእስልምና ማዕዘናት ውስጥ አንዱ ሲሆን፤ ጾሙ ለሃያ ዘጠኝ ወይም ሰላሳ ቀናት ይቆያል።

የረመዳን ወር የመረዳዳት፣ የመተጋገዝና የመከባበሪያ ወር ነው።

ሙስሊሙ ማህበረሰብም ፈጣሪ የሚወደውን በጎ ተግባራት በማከናወን ጾሙን እንዲያሳልፍ የእምነቱ አስተምህሮ ያዛል።

የክርስትና እምነት ተከታዮችም በነገው እለት የአብይ ጾምን ይጀምራሉ።