ሩሲያ የተመድ እና የቀይ መስቀል ማህበር ባለሙያዎች የምርኮኞቹን ግድያ እንዲያጣሩ ጋበዘች

ሩሲያ፤ ዩክሬን አሜሪካ ሰራሽ በሆነው ሞቢሊቲ አርቲለሪ ሮኬት ሲስተም (HIMARS) 50 የዩክሬን የጦር ምርኮኞችን ገድላለች ስትል ከሳለች

ሩሲያ በሩሲያ በሚደገፉ ተገንጣዮች እስር ላይ የነበሩ የዩክሬን እስረኞችን እንዲያጣሩ ሩሲያ የተባበሩት መንግስታት ድርጅት(ተመድ) እና የቀይ መስቀል ባለሙያዎችን መጋበዟን አስታውቃለች፡፡

ዩክሬን እና ሩሲያ በደርዘን የሚቆጠሩ እስረኖችን በገደለው የሚሳየል ጥቃት ዙሪያ እንዳቸው በአንዳቸው ላይ ክስ እያሰሙ ይገኛሉ፤ የጦር ምርኮኖቹ ተገድለዋል የባለው በሩሲያ በተያዘው የዶምባስ ክፍል መሆኑን ሮይተርስ ዘግቧል፡፡

የሩሲያ መከላከያ ሚኒስቴር በግድያው ዙሪያ ተጨባጭ ምርመራ ለማድረግ የተመድ እና የቀይ መስቀል ባለሙያዎች እንዲጋበዙ መደረጉን አስታውቋል፡፡

ሚኒስቴሩ ዩክሬን አሜሪካ ሰራሽ በሆነው ሞቢሊቲ አርቲለሪ ሮኬት ሲስተም (HIMARS) 50 የዩክሬን የጦር ምርኮኞችን ገድላለች የሚል ክስ አቅርባለች፡፡

• ሩሲያ 40 የዩክሬን የጦር ምርኮኞች በዩክሬን የሚሳየል ጥቃት መገደላቸውን ገለጸች

የዩክሬን ታጣቂ ሃይሎች የሩሲያ መድፍ ማረሚያ ቤቱን ኢላማ ያደረገው እዚያ የሚደርሰውን እንግልት ለመደበቅ ነው ሲል ሃላፊነቱን አልተቀበለም። የውጭ ጉዳይ ሚኒስትር ዲሚትሮ ኩሌባ አርብ ዕለት ሩሲያ የጦር ወንጀል መፈጸሟን እና አለም አቀፍ ውግዘትን ጠይቀዋል።

የሮይተርስ ጋዜጠኞች በማረሚያ ቤቱ ውስጥ የተወሰኑትን ሞት አረጋግጠዋል፣ ነገር ግን የተለያዩ የክስተት ስሪቶችን ወዲያውኑ ማረጋገጥ አልቻሉም።

የተባበሩት መንግስታት ድርጅት ከሁለቱም ወገኖች ስምምነት ካገኘ ለማጣራት ባለሙያዎችን ለመላክ ተዘጋጅቻለሁ ብሏል። አለም አቀፉ የቀይ መስቀል ኮሚቴ ጉዳዩን ለማግኘት እየፈለገ መሆኑን ገልፆ የቆሰሉትን በማውጣት እንዲረዳቸው አቅርቧል።

ሩሲያ የኔቶ ጦር ወደ ቀድሞ የሶቬት ሀገራት መስፋፋት ለደህንነቷ እንደማያሰጋት በመግለጽ ነበር በዩክሬን ላይ "ልዩ ወታደራዊ ዘመቻ" ያወጀችው።

ከዚህ በተጨማሪም ዩክሬንን ትጥቅ ማስፈታት እና የናዚን አስተሳሰብ ማጥፋት የዘመቻው አላማ መሆኑን ሩሲያ መግለጿ ይታወሳል።

በሩሲያ ርምጃ የተቆጡት ምእራባውያን ሩሲያን ያዳክማል ያሉትን ሁሉ ማእቀብ በሩሲያ ላይ ጥለዋል። የዶምባስ ግዛትን ነጻ የማውጣት የወሰነቸው ሩሲያ አሁንም በደቡብ እና ምሰራቃዊ ዩክሬን ጦርነት እያካሄደች ትገኛለች፡