በቁመቷ መርዘም ምክንያት ፍቅረኛ ለመያዝ የተቸገረችው እንስት
ሁለት ሜትር ተኩል የምትረዝመው ይህች ሎጋ ወጣት ራሷን በማህበራዊ ሚዲያዎች በስፋት በማስተዋወቅ ላይ ትገኛለች
የ25 ዓመቷ ይህች ወጣት በቁመቷ ተጽዕኖ ምክንያት በራስ መተማመኗ እየተሸረሸረ በመምጣቱ ራሷን በበይነ መረብ ለማስተዋወቅ ተገዳለች
በቁመቷ መርዘም ምክንያት ፍቅረኛ ለመያዝ የተቸገረችው እንስት…
ሺያዎ ማይ የ25 ዓመት ቆንጆ ወጣት ስትሆን በቻይናዋ ሄሎነግጂያንግ ግዛት ከቤተሰቦቿ ጋር ትኖራለች፡፡
ይህች ወጣት ሴት በልጅነቷ ከእድሜ እኩዮቿ የበለጠ ቁመት ነበራት የተባለ ሲሆን በዓመት በአማካኝ 10 ሴንቲ ሜትር ትረዝማለች ተብሏል፡፡
እድሜዋ እያደገ ሲመጣ ግን ቁመቷ ከእድሜ እኩዮቿ ጋር ሲነጻጸር እየተራራቀ የመጣ ሲሆን ቀስ በቀስ የሰዎችን ትኩረት እየሳበች ስትመጣ ራሷን በቻለችው አቅም ሁሉ ለመደበቅ ስትጥር እንደቆየች ተገልጿል፡፡
ሺያዎ አሁን ላይ 2 ሜትር ከ26 ሴንቲ ሜትር ርዝመት ያላት ሲሆን በእናቷ ጉትጎታ አማካኝነት ፎቶዎቿን እና ተንቀሳቃሽ ምስሎቿን በማህበራዊ ትስስር ገጾች ላይ ታጋራለች፡፡
በመላው ቻይና ብዙ ተመልካች ያገኘው የዚች ልጅ ምስሎች ቀስ በቀስ ሰዎች በሚያሳዩት ፍቅር እና ድጋፍ አማካኝነት አዘወትራ ወደ ማህበራዊ ትስስር ገጾች ራሷን በማስተዋወቅ ላይ ትገኛለች፡፡
በተለይም በቁመቷ መርዘም ምክንያት ፍቅረኛ ማግኘት እንዳልቻለች የሚገልጸው ተንቀሳቃሽ ምስል ከተለቀቀ በኋላ የብዙዎችን ትኩረት እንደሳበች የሀገሪቱ ብዙሃን መገናኛዎች ዘግበዋል፡፡
እሷን ለማየት በሚልም ከሩቅ ቦታዎች ሳይቀር እየመጡ እየጎበኟት ሲሆን ይህም ቁመቷን እንደ ጸጋ እና ስጦታ እንድትቀበለው እንዳደረጋት ወጣቷ ተናግራለች፡፡
ይሁንና ሺያዎ ማይ እስካሁን ፍቅረኛ ስለማግኘቷ በዘገባዎቹ ላይ አልተጠቀሰም፡፡
