ሶስት ሀገራት ከሰሜን ኮሪያ የሚቃጣ የሳይበር ጥቃት እንደሚያሰጋቸው ገለጹ

በሰሜን ኮሪያ ሰርጎ ገቦች የተዘረፉ የክሪፕቶ ምንዛሪ ገንዘቦች ማዕቀቡ ለተደቀነባት ሀገር የጦር መሳሪያ መርሃ ግብሮች የገንዘብ ድጋፍ ቁልፍ ምንጭ ነበር ሲሉ የአሜሪካ እና አጋሮቹ ባለስልጣናት ገልጸዋል

አሜሪካ፣ ደቡብ ኮሪያ እና ጃፓን ሰሜን ኮሪያ የጦር መሣሪያ ፕሮግራሞቿን ለመደገፍ የምታደርገውን “ተንኮል አዘል” የሳይበር ተግባር በእጅጉ እንዳሳሰባቸው ባወጡት የጋራ መግለጫ አስታውቀዋል።

በሰሜን ኮሪያ ሰርጎ ገቦች የተዘረፉ የክሪፕቶ ምንዛሪ ገንዘቦች ማዕቀቡ ለተደቀነባት ሀገር የጦር መሳሪያ መርሃ ግብሮች የገንዘብ ድጋፍ ቁልፍ ምንጭ ነበር ሲሉ የአሜሪካ እና አጋሮቹ ባለስልጣናት ገልጸዋል።

የሰሜን ኮሪያ የኒውክሌር እና የሚሳይል ስጋት እየጨመረ ባለበት በዚህ ሳምንት የደቡብ ኮሪያ የኒውክሌር ልዑክ ከአሜሪካ እና ጃፓን አቻዎቻቸው ጋር በሴኡል ተወያይተው የተገለለችውን ሀገር የጦር መሳሪያ ሙከራ አውግዘዋል።

ሀገራቱ በጋራ መግለጫቸው እንደተናገሩት "በውጭ አገር ያሉ የሰሜን ኮሪያ ሰራተኞች ከተባበሩት መንግስታት ማዕቀብ ለመሸሽ እና ለሚሳይል ፕሮግራሞች ገንዘብ ለማሰባሰብ የተጭበረበሩ ማንነቶችን እና ሀገራትን መጠቀማቸውን እንደሚቀጥሉ በስጋት ደግመን እንገልፃለን።

"እንዲሁም ሰሜን ኮሪያ እነዚህን ፕሮግራሞች በስርቆት እና አስመስሎ በማቅረብ እንዲሁም በተንኮል አዘል የሳይበር ተግባራት መረጃን በማሰባሰብ እንዴት እንደሚደግፋቸው አሳስቦናል" ያለው መግለጫው የዩኤን አባል ሀገራት የሰሜን ኮሪያ ሰራተኞችን ወደ ሀገራቸው ለመመለስ የመንግስታቱ ድርጅት የፀጥታው ምክር ቤት ውሳኔን እንዲያከብሩ አሳስቧል።

የዩኤስ እና የደቡብ ኮሪያ ኃይሎች ከመጋቢት ወር ጀምሮ ተከታታይ አመታዊ የፀደይ ልምምዶችን እያደረጉ መሆናቸው በኮሪያ ልሳነ ምድር ውጥረት እንዲነግስ አድርጓል።

በደቡብ ኮሪያና አጋሮቿ  ወታደራዊ ልምምዶች የተበሳጨችው ፒዮንግያንግ ከቅርብ ሳምንታት ወዲህ ወታደራዊ እንቅስቃሴዋን እያሰፋች ነው። 

አዳዲስ ትናንሽ ትናንሽ የኒውክሌር ጦርነቶችን ይፋ አደረገ እና በዩናይትድ ስቴትስ ውስጥ የትኛውም ቦታ ላይ ሊመታ የሚችል አህጉር አቀፍ ባሊስቲክ ሚሳኤል ተኮሰ።

ልምምዶች እና ሙከራዎችየከረረ ንግግር መለዋወጥ ፈጥረዋል። 

ሐሙስ እለት ሰሜን ኮሪያ ዋሽንግተን እና ሴኡል በወታደራዊ ልምምዳቸው ውጥረቱን ወደ ኒውክሌር ጦርነት አፋፍ አድርሰውታል ሲሉ ከሰሷቸው።

የደቡብ ኮሪያ የኒውክሌር ዋና ተደራዳሪ ኪም ጉን፣ የሰሜን ኮሪያ የኒውክሌር ፍላጎት ኢኮኖሚዋን "እራሷን ከማጥፋት ዛቻ የዘለለ ነገር አይደለም" ብለዋል።

"ሰሜን ኮሪያ የኒውክሌር ጦር መሳሪያ ሁሉንም ችግሮቿን ሊፈታ የሚችል ምትሃታዊ ጦር ነው ብለው እንዲያምኑ ህዝቦቿን እያሳቷት ነው" ሲሉ ኪም አርብ እለት ከአሜሪካ እና ከጃፓን ባለስልጣናት ጋር ባደረጉት ውይይት ተናግሯል።

ጃፓን በሰሜን ኮሪያ ላይ የነበራትን የንግድ እገዳ ለሁለት አመት ማራዘሟን አርብ እለት አስታውቃለች።