“እግዚአብሔር ከሞት ያተረፈኝ አሜሪካን ለመታደግና እኔን ፕሬዝዳንት ለማድረግ እቅድ ስለነበረው ነው” ትራምፕ

የሪፐብሊካን እጩ ዶናልድ ትራምፕ የመጨረሻ የምርጫ ቅሰቀሳቸውን አድርገዋል

ዶናልድ ትራምፕ “እግዚአብሔር ከሞት ያተረፈኝ አሜሪካን እንድታደግና እኔን ፕሬዝዳንት ለማድረግ እቅድ ስለነበረው ነው” አሉ።

በ2024 ፕሬዝዳንታዊ ምርጫ ሪፐብሊካን እጩ የሆኑት የአሜሪካ የቀድሞ ፕሬዝዳነት ዶናልድ ትራምፕ የመጨረሻ የምርጫ ቅስቀሳቸውን ባደረጉበት ወቅት በፔንሲልቫኒያ የተቃጣቸውን የግድያ ሙከራ አውስተዋል።

ዶናልድ ትራምፕ በዚሁ ንግግራቸውም “ከግድያ ሙከራዎች የተረፍኩት እግዚአብሄር በድጋሚ እኔን ፕሬዝዳንት ለማድረግ እቅድ ስለነበረው ነው” ብለዋል።

“ከጥቂት ወራቶች በፊት በምታምረው ፔንሲልቫኒያ ውስጥ ትልቁን እንስቃሴያችንን ለማስቆም ያለመ የግድያ ሙከራ ተደርጎብኝ ነበር” ብለዋል ትራምፕ በንግግራቸው።

“ሆኖም ግን የግድያ ሙከራው ሊያስቆመን አልቻለም፤ ይልቁን በጅምር የነበረ ስራችንን እንድናጠናቅቅ ነው የረዳን” ሲሉም ተናረዋል።

የግድያ ሙከራ የተደረገበትን ቀን “አስከፊ” ነበር ሲሉ የገለጹት ትራምፕ “እግዚአብሄር አሜሪካን ለመታደግ እኔን ከሞት እንታደገኝ በርካታ ሰዎች ያምናሉ” ብለዋል።

ዶናልድ ትራምፕ አክለውም “በዛሬው ምርጫ በሀገራችን ታሪክ ውስጥ ትልቁን ድል እናገኛለን” ሲሉ ተናግረዋል።