ትራምፕ ዩክሬን ከአሜሪካ ያገኘችውን ድጋፍ በውድ ማዕድናት እንድትከፍል እንደሚፈልጉ ተናገሩ

እንደ አሜሪካ ጂኦሎጂካል ሰርቬይ መረጃ 50 ማዕድናት ለአሜሪካ ኢኮኖሚና ብሔራዊ መከላከያ እጅግ ወሳኝ ተብለው ተለይተዋል

የአሜሪካው ፕሬዝደንት ዶናልድ ትራምፕ አሜሪካ ዩክሬን ከሩሲያ ጋር በምታደርገው ጦርነት ላደረገችላት የፋይናንስ ድጋፍ በክፍያ መልክ ውድ የመሬት ማዕድናትን እንድትሰጣት እንደሚፈልጉ ገልጸዋል።

• ዩክሬን ከአሜሪካ ያልመጣ የደህንነት ዋስትና እንደማትቀበል ዘለንስኪ ተናገሩ

ትራምፕ በኋይትሀውስ በሰጡት መግለጫ ዋሽንግተን በድጋፍ መልክ ካፈሰሰችው 300ቢሊየን ዶላር ጋር የሚስተካከል ክፍያ እንደሚፈልጉና ለዚህም ዩክሬን ፈቃደኛ ነች ብለዋል።

"ዩክሬን ውድ ዋጋ ያላቸው ብርቅ የመሬት ማዕድን እንዳላት ነግረናታል" ብለዋል ትራምፕ። "ዩክሬን የሰጠናትን ድጋፍ በውድ ማዕድናት እንድትከፍለን እየተወያየን ነው።"

ትራምፕ ስለየትኞቹ ውድ ማዕድናት እያወሩ እንደሆነ ገልጽ አላደረጉም። ውደ ማዕድናት የሚባሉት ኃይልን ወደ እንቅስቃሴ በመቀየር ለኤሌክትሪክ ተሽከርካሪዎች፣ ለሞባይ ስልክና ለሌሎች የኤሌክትሮኒክስ መሳሪያዎች የሚያገለግሉ 17 ማዕድናትን ያካተተ ቡድን ነው።

እስካሁን እነዚህን ብረቶች የሚተካ ማዕድን የለም።

እንደ አሜሪካ ጂኦሎጂካል ሰርቬይ መረጃ ከሆነ ኒኬልንና ሊቲየምን ጨምሮ 50 ማዕድናት ለአሜሪካ ኢኮኖሚና ብሔራዊ መከላከያ እጅግ ወሳኝ ተብለው ተለይተዋል።

ዩክሬን ከፍተኛ የዩራኒየም፣ ሊቲየምና የቲታኒየም ከፍተኛ ክምችት ያላት ቢሆንም በመጠን በአለም ቀዳሚ አምስት ውስጥ የለችበትም። አሜሪካ እነዚህን ጨምሮ ሌሎች ወሳኝ ማዕድናት ክምችት ያላት ሀገር ነች።

አሜሪካ በዝቅተኛ አቅም የሚንቀሳበስ አንድ የውድ ማዕድን ማውጫ ብቻ ያላት ሲሆን ቻይና በአንጻሩ ውድ ማዕድናትና ወሳኝ ማዕድናትን በምረት ከአለም ቀዳሚ ነች።