ተጠባቂ የቅዳሜ እና እሁድ ስፖርታዊ ውድድሮች ከሀገር ውስጥ እስከ ውጭ ሀገራት

ከውጭ ደግሞ የማንችስተር ደርቢ፣ የኤልክላሲኮ እና ሌሎችም ውድድሮች ተጠባቂ ናቸው

ተጠባቂ የቅዳሜ እና እሁድ ስፖርታዊ ውድድሮች

በሳምንቱ መጨረሻ በሆኑት ቅዳሜ እና እሁድ ተጠባቂ የእግር ኳስ ውድድሮች ይካሄዳሉ።

የሀገር ውስጥ ውድድሮችን ስንመለከት ቅዳሜ ዘጠኝ ሰዓት ላይ የፕሪሚየር ሊጉ ተሳታፊዎች ፋሲል ከነማ ከኢትዮጵያ ቡና የሚያደርጉት ውድድር ይጠበቃል።

ምሽት 12 ሰዓት ላይ ደግሞ ወላይታ ዲቻ ከመቻል ይጫወታሉ ተብሏል።

በእንግሊዝ ገሪሚየር ሊግ ደግሞ ቅዳሜ አርሰናል ከሼፊልድ ዩናይትድ፣ ቸልሲ ከብሬንትፎርድ የሚያደርጉት ጨዋታ ይጠበቃል።

በስፔን ላሊጋ በምንጊዜም ተቀናቃኞቹ ባርሴሎና እና ሪያል ማድሪድ መካከል የሚካሄደው ኤልክላሲኮ ጨዋታ ተጠባቂ ነው።

ምሽት 11 ሰዓት ላይ የሚካሄደው ይህ ጨዋታ የተለያዩ አስተያየቶች እየተሰጡበት ሲሆን አንዱ አንዱን እንደሚያሸንፉ የክለቡ አሰልጣኞች ተናግረዋል ።

በእንግሊዝ ፕሪሚየር ሊግ ሁለቱ የማንችስተር ከተማ ባላንጣዎች እሁድ አመሻሽ 11:30 ላይ የሚያደርጉት ጨዋታ በጉጉት ይጠበቃል።

ብዙዎች የአሸናፊነት ግምታቸውን ለማንችስተር ሲቲ በሰጡበት በዚህ ጨዋታ ዩናይትዶችም ጨዋታውን እንደሚያሸንፉ በመግለጽ ላይ ናቸው።

በሌላ የፕሪሚየር ሊጉ ጨዋታ ዌስትሀም ከኤቩርተን፣ ብራይተን ከፉልሀም እንዲሁም ሊቨርፑል ከኖቲንግሀም ፎረስት ይጫወታሉ።

ሌላኛው ተጠባቂ የቅዳሜ እና እሁድ ጨዋታዎች ውስጥ በጣልያን ሴሪኤ እሁድ አመሻሽ ኢንተርሚላን ከሮማ እንዲሁም የአምናው አሸናፊ ናፖሊ ከኤሲ ሚላን የሚያደርጉት ጨዋታ በጉጉት ተጠባቂው ነው።