ከ20 ሺህ በላይ በሆኑ ንቦች የተነደፈው አሜሪካዊ ከሳምንት በኋላ ነፍስ ዘራ

ግለሰቡ ከ30 በላይ ንቦች መዋጡም ተገልጿል

ከ20 ሺህ በላይ በሆኑ ንቦች የተነደፈው አሜሪካዊ ከሳምንት በኋላ ነፍስ ዘራ።

የ20 ዓመቱ አሜሪካዊ ኦስቲን ቤላሚ ከአንድ ሳምንት በፊት ከአጎቱ እና እናቱ ጋር ሆኖ የዛፍ ቅርንጫፍ ለመቁረጥ በሚል ነበር ዛፍ ላይ የወጣው።

የኦሂዮ ነዋሪ የሆነው ይህ ግለሰብ ዛፉ ላይ ሰፍረው የነበሩት የንቦች መንጋ አንገቱ ላይ ይሰፍራሉ።

በዚህ ጊዜ ነበር ይህ ግለሰብ በንብ መንጋ ከተወረረ በኋላ በደረሰበት የንቦች ነደፋ ራሱን ስቶ ሆስፒታል እንደገባ ኒዮርክ ፖስት ዘግቧል።

ልጃቸው በንብ መንጋ ሲነደፍ ከዛፉ ስር የነበሩት እናቱ እንዳሉት " ንቦቹ ከልጄ አንገት ላይ ሲያርፉ ልጄ አንገቱ ላይ ብርድ ልብስ የጠመጠመ ሰው ይመስል ነበር" ሲሉ ለጋዜጠኞች ተናግረዋል።

በወቅቱ የእሳት እና አደጋ ሰራተኞች መጥተው ልጃቸውን ከዛፉ ላይ አውርደው ወደ ሆስፒታል እንደወሰዱትም የተጎጂ እናት ገልጸዋል።

የአደጋው ወጣት ለአንድ ሳምንት ያህል ራሱን ስቶ ሆስፒታል ከቆየ በኋላ ወደ ራሱ ተመልሷል ተብሏል።

አንድ ሰው በአንድ ጊዜ ከአስር ጊዜ በላይ ንቦች ከተነደፈ የምስመለስ፣ ተቅማጥ እና የመረበሽ ስሜት ሊሰማው እንደሚችል ጥናቶች ያስረዳሉ።