የሳውዲው አልሂላል ኪሊያን ምባፔን ክብረወሰን በሆነ ዋጋ ለማስፈረም ጠየቀ

አልሂላል ከኪሊያን ምባፔ ጋር እስካሁን ንግግር እንደልጀመረ ተነግሯል

የሳዑዲው አረቢያው የእግር ኳስ ክለብ አልሂላል ኪሊያን ምባፔን በዓለም ክብረወሰን ዋጋ ለማስፈረም ጠየቀ።

የሳውዲ አረቢያ እግር ኳስ ሊግ ውድድር ፖርቹጋካዊውን ክሪስቲያኖ ሮናልዶ ካስፈረመ በኋላ መነቃቃት ውስጥ ይገኛል።

ይህን ተከትሎም የሳውዲ አረቢያ እግር ኳስ ክለብ አልሂላል ፈረንሳያዊውን ኪሊያን ምባፔን ለማስፈረም ለፒኤስጂ ጥያቄ ማቅረቡን ስካይ ኒውስ ዘግቧል።

• ከ3 አመቱ ጀምሮ እግር ኳስን ያፈቀረው ኪሊያን ምባፔ የልጅነት ህልሙን አሳክቷል
• የሳውዲው አልሂላል ሊዮኔል ሜሲን በዓለም ክብረወሰን ዋጋ ለማስፈረም ጠየቀ

እንደ ዘገባው ከሆነ አልሂላል ለኪሊያን ምባፔ በዓለም ታሪክ ከፍተኛውን የዝውውር ክፍያ ለመክፈል ዝግጁ ነው።

አል ሂላል ለተጨዋቹ ዝውውር ሪኮርድ የሆነ 300 ሚልዮን ዩሮ የዝውውር ሒሳብ ለፒኤስጂ ማቅረባቸው ይፋ ሆኗል።

ክለቡ ለፈረኝሳዩ ክለብ ፒኤስጂ የዝውውር ጥያቄ ቢያቀርብም ከተጨዋቹ ጋር እስካሁን ንግግር አለመጀመሩ ተዘግቧል።

የሳዑዲው አረቢያው የእግር ኳስ ክለብ አልሂላል ከዚህ ቀደም አርጀንቲናዊው ሊዮኔል ሜሲን ለማስፈረም ለፒኤስጂ ጥያቄ አቅርቦ እንደነበረ ይታወሳል።

ይሁን እንጂ ሊዮኔል ሜሲ ከአል ሂላል የቀረበለተን 300 ሚልዮን ዩሮ የዝውውር ገንዘብ በመተው ለአሜሪካው ኢንተር ሚያሚ መፈረሙ ይታወቃል።