በወረባቦ ወረዳ የኬሚካል ርጭት በማድረግ ላይ የነበረችው አውሮፕላን ተከሰከሰች

የአውሮፕላኗ አብራሪ ጉዳት ደርሶበት ህክምና ላይ ነው

በወረባቦ ወረዳ የኬሚካል ርጭት በማድረግ ላይ የነበረችው አውሮፕላን ተከሰከሰች

አማራ ክልል ወረባቦ ወረዳ ለተከሰተው የአንበጣ መንጋ የኬሚካል ርጭት በማድረግ ላይ የነበረችው አውሮፕላን መከስከሷን የወረዳው ኮሙኒኬሽን ጽ/ቤት አስታወቀ፡፡

ወረዳው በይፋዊ የፌስቡክ ገጹ እንደገለጸው አውሮፕላኗ በወረባቦ ወረዳ የተከሰተውን የአንበጣ መንጋ ለመከላከል የኬሚካል ርጭት በማድረግ ላይ ነበረች፡፡

አውሮፕላኗም በቴክኒክ ችግር ምክንያት በወረባቦ ወረዳ 014 ቀበሌ ልዩ ስፍራው ፍራንጉል በተባለ ቦታ መውደቋን ነው ጽ/ቤቱ ያስታወቀው፡፡ የአውሮፕኗን አብራሪ በህይወት የተረፈ ሲሆን ሰመራ ሆስፒታል ህክምና እየተደረገለት እንደሆነም ነው የተገለጸው፡፡

ወረዳው በኢትዮጵያ የአምበጣ መንጋ ከተከሰተባቸው በርካታ ወረዳዎች አንዱ ነው፡፡