የአፍሪካ ህብረት 60ኛ አመት የምስረታ በዓል በምስል

በ32 የአፍሪካ ሀገራት የተመሰረተው የአፍሪካ አንድነት ድርጅት አሁን ላይ 55 አባል ሀገራት አሉት

የቀድሞ የአፍሪካ አንድነት ድርጅት የአሁኑ አፍሪካ ህብረት 60ኛ ዓመት ክብረ በዓል በአዲስ አበባ ተከብሯል።

በዓሉ በቀድሞ የደቡብ አፍሪካ ፕሬዝዳንትና የነጻነት ታጋይ ኔልሰን ማንዴላ በተሠየመው መሠብሠቢያ አዳራሽ ነው የተከበረው።

በህብረቱ 60ኛ አመት ክብረ በዓል ላይ ጠቅላይ ሚኒስትር አብይ አህመድን ጨምሮ የተለያዩ ሀገራት አምባሳደሮች ተገኝተዋል።

በ32 የአፍሪካ ሀገራት የተመሰረተው የአፍሪካ አንድነት ድርጅት አሁን ላይ 55 አባል ሀገራት አሉት።

ጠቅላይ ሚኒስትር አብይ የአፍሪካ ህብረት መሥራች አባቶችን ፈለግ በመከተል የአህጉሪቷ ህዝቦች ለአፍሪካ አንድነት መጠናከር እንዲሰሩ ጥሪ አቅርበዋል።