በአፍሪካ 1 ሺህ 782 ሰዎች በዝንጀሮ ፈንጣጣ ሳይያዙ እንዳልቀረ የአፍሪካ ህብረት አስታወቀ

አፍሪካ ሲዲሲ በአህጉሪቱ በፈንጣጣ ወረርሽኝ ምክንያት 73 ሰዎች መሞታቸውም አስታውቋል

በ12 የአፍሪካ ሀገራት 1 ሺህ 782 ሰዎች በዝንጀሮ ፈንጣጣን (ሞንኪ ፖክስ) ወረረሺኝ ሳይያዙ እንዳልቀረ የአፍሪካ የበሽታ መቆጣጠሪያ እና መከላከያ ማእከል አስታወቀ፡፡

የአፍሪካ የበሽታ መቆጣጠሪያ እና መከላከያ ማእከል /አፍሪካ ሲዲሲ/ ተጠባባቂ ዳይሬክተር አህመድ ኦግዌል በሰጡት መግለጫ በወረርሺኙ ተይዘዋል ተብለው ከተጠረጠሩ 1 ሺህ 782 ሰዎች መካከል 104ቱ በሽታው የተገኘባቸው ናቸው ብለዋል፡፡

ኦግዌል፡ የበሽታው ስርጭት አለባቸው ተብለው ባልተገመቱ እንደ ቤኒን፣ ሞሮኮ እና ደቡብ አፍሪካ ባሉ ሀገራት ጭምር መከሰቱም ገልጸዋል፡፡

"እንደ አለመታደል ሆኖ በአህጉሪቱ በፈንጣጣ ወረርሽኝ ምክንያት 73 ሰዎች ሞተዋል ፤ ይህም የበሽታውን የሞት መጠን 4 ነጥብ 1 በመቶ አድርሶታል"ም ብለዋል ተጠባባቂ ዳይሬክተሩ።

አፍሪካ ሲዲሲ በናይጄሪያ ከተለያዩ የአህጉሪቱ ክፍሎች የተውጣጡ 20 የጤና ባለሙያዎች በየሀገራቸው የዝንጀሮ በሽታን የላቦራቶሪ ምርመራ የማድረግ አቅም እንዲኖራቸው ስልጠና እየሰጠ ነው መሆኑም ተናገረዋል፡፡

"ስልጠናው በጣም አስፈላጊ ነው ምክንያቱም የተጠረጠሩ ጉዳዮችን ለማረጋገጥ የአባሎቻችንን አቅም ስለሚያሳድግ ነው" ም ብለዋል። ኦግዌል፤ በአህጉሪቱ ለበሽታው ክሊኒካዊ የላቦራቶሪ ማረጋገጫ አዝጋሚ መሆኑም ጭምር በመግለጽ፡፡

የአፍሪካ ሲዲሲ በሽታ አምጪ ጂኖሚክስ ኢንስቲትዩት የዝንጀሮ በሽታ ናሙናዎችን በቅደም ተከተል በማዘጋጀት በማንኛውም የአፍሪካ ህብረት አባል ውስጥ ሊከሰት የሚችለውን ማንኛውንም ልዩነት ለመለየት እና ለመመዝገብ እየሰራ መሆኑም አስታውቋል፡፡

በአህጉሪቱ የምናስተናግድበትን በሽታ አምጪ ተህዋስያን እንድንረዳ እና እንድናውቅ ለማድረግ ለኮቪድ-19 እንዳደረግነው ሁሉ የዝንጀሮ በሽታ ናሙናዎችን መከተላችንን እንቀጥላለን ሲሉም አክለዋል።

የዓለም ጤና ድርጅት በቅርቡ ባወጣው ሪፖርት ኢትዮጵያ፣ ጊኒ፣ ላይቤሪያ፣ ሞዛምቢክ፣ ሴራሊዮን፣ ሱዳን እና ዩጋንዳ - ከዚህ ቀደም በሽታው ያልተከሰተባቸው ሀገራት ቢሆኑም - የተጠረጠሩ ጉዳዮች ሪፖርት አድርገዋል ማለቱ አይዘነጋም፡፡