ላሚን ያማል የአመቱ ምርጥ ወጣት ተጫዋች በመባል የ2024 የኮፓ ትሮፊ አሸናፊ ሆኗል
ኮከብ የእግር ኳስ ተጨዋቾች የሚሸለሙበት የ2024 የባሎን ዶር የሽልማት ስነ ስርዓት ትናንት ምሽት በፈረንሳይ ፓሪስ ተካሂዷል።
በፍራንስ ፉትቦል አዘጋጅነት በፈረንሳይ ፓሪስ በተካሄደው የሽልማት ስነ ስርዓት ላይ ስፔናውያኑ ሮድሪ ሄርናንዴዝ በወንዶች እንዲሁም አይታና ቦማቲ በሴቶች የባሎን ዶር አሸናፊዎች መሆን ችለዋል።
የስፔን ብሄራዊ ቡድን እና የማንችስተር ሲቲ የመሐል ሜዳ ተጫዋች ሮድሪ የሪያል ማድሪዱን ቪኒሺየስ ጁኒየርን በመብለጥ የ2024 የባሎንዶር ሸናፊ መሆን የቻለ ሲሆን፤ ይህንን ተከትሎ ሪያል ማድሪዶች የፈረንሳዩን የሽልማት ስነ ስርዓት በመቃወም ሳይታደሙ ቀርተዋል።
የስፔን ብሄራዊ ቡድን እና የባርሴሎናዋ የመሐል ሜዳ ተጫዋች አይታና ቦንማቲ፤ ከባርሴሎና ጋር ሁሉን አይነት ዋንጫዎችን ማንሳት የቻለች ሲሆን፤ ዘንድሮ በተከታታይ ለሁለተኛ ጊዜ ባሎን ዶርን መሸነፍ ችላለች።
የስፔን ብሄራዊ ቡድን እና የባርሴሎናው የፊት መስመር ተጫዋች ላሚን ያማል የአመቱ ምርጥ ወጣት ተጫዋች በመባል ተሸልሟል።
የስፔኑ ሪያል ማድሪድ አሰልጣኝ ካርሎ አንቼሎቲ የ2024 ምርጥ አሰልጣኝ በመባል ሲሸለሙ፤ ሃሪ ኬን እና ኪሊያን ምባፔ በከፍተኛ ግብ አግቢነት የጀርድ ሙለር ትሮፊን በጋራ አሸንፈዋል።
የ2024 የባሎን ዶር ሽልማት አሸናፊዎችዝርዝር
ባሎን ዶር በወንዶች - ሮድሪ (ስፔን እና ማንቸስተር ሲቲ
ባሎን ዶር በሴቶች- አይታና ቦማቲ (ስፔን እና ባርሴሎና)
የዓመቱ ምርጥ አሰልጣን በወንዶች- ካርሎ አንቼሎቲ (ሪያል ማድሪድ)
የዓመቱ ምርጥ አሰልጣኝ በሴቶች- ኤማ ሃይስ (ቺልሲ እና አሜሪካ)
የኮፓ ትሮፊ- ላን ያማል (ስፔን እና ባርሴሎና)
ምርጥ ግብ ጠባቂ (ያሲን ትሮፊ)- ኤሚሊኖ ማርቲኔዝ (አርጀንቲና እና አስቶን ቪላ)
የአመቱ ከፍተኛ ግብ አስቆጣሪ (ጀርድ ሙለር ትሮፊ) አሸናፊ- ሃሪ ኬን እና ኪሊያም ምባፔ
የዓመቱ ምርጥ ክለብ በወንዶች- ሪያል ማድሪድ
የዓመቱ ምርጥ ክለብ በሴቶች- ባርሴሎና
የሶቅራጠስ ሽልማት- ጄኒፈር ሄርሞሶ
