ባንድ ወቅት የእግር ኳስ ኮኮብ የነበሩ ተጫዋቾች አሁን የት ናቸው?

አንዳንድ የቀድሞ እግር ኳስ ተጫዋቾች ፈጽሞ ባልታሰበ ህይወት ውስጥ ይገኛሉ

ባንድ ወቅት የእግር ኳስ ኮኮብ የነበሩ ተጫዋቾች አሁን የት ናቸው?

አብዛኞቹ የእግር ኳስ ተጫዋቾች ጫማ ከሰቀሉ በኋላ አሰልጣኝነትን ጨምሮ ከእግር ኳስ ጋር የተያያዙ ስራዎችን ሲሰሩ መመልከት የተለመደ ነው።

ባንድ ወቅት በመላው ዓለም አድናቂ የነበራቸው ጥቂት ኮኮብ እግር ኳስ ተጫዋቾች ግን ህይወታቸውን ባልታሰበ ሙያ እየመሩ ይገኛሉ።

ከነዚህ ተጫዋቾች መካከል ፈረንሳዊው የቀድሞ የማንችስተር ዩናይትዱ አጥቂ ኤሪክ ካንቶና አንዱ ነው።

የ1990 ዎቹ ኮኮብ ካንቶና ከእግር ኳስ ራሱን ካገለለበት ጊዜ ጀምሮ በፊልም ሙያ ተሰማርቶ ይገኛል።

ሌላኛው የቀድሞ ኮኮብ ነገር ግን ህይወቱን ከእግር ኳስ ውጭ እየመራ ያለው ጣልያናዊው ሮበርት ባጂዮ ነው።

ባጅዮ የስፖርት አልባሳትን በመሸጥ ህይወቱን እየመራ እንደሆነ ተገልጿል።

ሌላኛው የቀድሞ እግር ኳስ ኮኮብ አሁን ላይ ከእግር ኳስ የራቀው ሰው ላይቤሪያዊው ጆርጅ ዊሀ ሲሆን ህይወቱን በፖለቲካ እየመራ ይገኛል።

የቀድሞው የሊቨርፑል ተከላካይ ዳንኤል አገር ሲሆን አገር ህይወቱን በንቅሳት ሙያ በመምራት ላይ ይገኛል።