ቪንሺየስ ጁኒየርን ለመደገፍ በተደረገ ጨዋታ ብራዚል ጊኒን በሰፊ የጎል ልዩነት አሸነፈች

የብራዚል ተጨዋቾች የጸረ- ዘረኝነት ዘመቻውን ለማስተዋወቅ በማሰብ በመጀመሪያ አጋማሽ ጥቁር ማለያ ለብሰው ተጫውተዋል

በጸረ-ዘረኝነት የወዳጅነት ጨዋታ ብራዚል ጊኒን በከፍተኛ የጎል ልዩነት አሸነፈች።

• የሪያል ማድሪዱ አጥቂ ቪኒሺየስ ጁኒየር "ላሊጋው የዘረኞች ነው" አለ

ብራዚል ድንቅ ብቃት በማሳየት ጋኒን 4 ለ 1 ስታሸንፍ፣ ሮድራጎ፣ ኢደር ሚሊቶ፣ ጆይሊን እና ቪንሰንት ጁኒየር ጎሎቹን አስቆጥረዋል።

የብራዚል ተጨዋቾች የጸረ- ዘረኝነት ዘመቻውን ለማስተዋወቅ በማሰብ በመጀመሪያ አጋማሽ ጥቁር ማለያ ለብሰው ተጫውተዋል።

ይህ ጨዋታ በግንቦት ወር በላሊጋ ጨዋታ የዘረኝነት ጥቃት የተቃጣበትን የሪያል ማድሪዱን አጥቂ ቪንሺየስ ጁኒየርን ለመደገፍ ከሚደረጉ ሁለት የወዳጅነት ጨዋታዎች የመጀመሪያው ነው።

የለመጀመረያ ጊዜ በአለምአቀፍ ጨዋታ ላይ ብቅ ያለው የኒውካስትሉ አማካኝ ተጫዋች ጆሊንተን ጨዋታው በተጀመረ በ26ኛው ደቂቃ ላይ ግብ አስቶጥሯል።

ከአምስት ደቂቃ በኋላ ሮድሪጎ ሁለተኛዋን ጎል አስቆጥሯል።

በብራዚል በኩል የነበረውን የመከላከል ክፍተት በመጠቀም የጊኒው ጉራሳዮ ሰርሆ አንድ ግብ ቢያስቆጥርም፣ ሚሊቶ እና ቪንሺየስ ጁኒየር  ሁለት ጎሎችን አስቆጥረው የብራዚልን የበላይነት አረጋግጠው ወጥተዋል።