የኮትዲቮር ጠቅላይ ሚኒሰትር ሀማድ ባኮዮኮ በካንሰር ምክንያት ህይወታቸው አለፈ

የኮትዲቮር ጠቅላይ ሚኒሰትር ሀማድ ባኮዮኮ በካንሰር ምክንያት በ56 አመታቸው ሞቱ

የኮትዲቮር ጠቅላይ ሚኒሰትር ሀማድ ባኮዮኮ በካንሰር ምክንያት ህይወታቸው አለፈ፡፡ ሀማድ ባኮዮኮ ባለፈው ሀምሌ ወር ስልጣን መምጣታቸው ይታወሳል፡፡

የአፍሪካን ኒውስ ዘገባ እንደሚያመለክተው ከሆነ፤ አይቮሪያኑ ጠቅላይ ሚኒስትር ህይወታቸው ያለፈው ህክምና ሲከታተሉ በነበሩበት ጀርመን በሚገኝ ፍሪቡርግ ሆስፒታል በትላነትናው እለት ነው ፡፡ የ56 አመቱ ጠቅላይ ሚኒስትር ከተማሙበት ጊዜ አንስቶ በተለይም ከቅርብ ቀናት ወዲህ የጤናቸው ነገር በከፍተኛ ሁኔታ ተባብሶ ለህልፈት መዳረጋቸውም ነው የተገለጸው፡፡

ሟቹ ጠቅላይ ሚኒስትር እስካለፈው ቅዳሜ ድረስ ፓሪስ በሚገኘው የአሜሪካኖች ሆስፒታል ህክምና ሲከታተሉ እንደቆዩና፤ ቅዳሜ ወደ ጀርመን መዛወራቸውንም አፍሪከን ኒውስ አስታውቀዋል፡፡ የጠቅላይ ሚኒስትሩ ህልፈት ተከትሎ ታድያ የሀገሪቱ ፕሬዝዳንት አላሰኔ ኦታታራ የተሰማቸው ሀዘንን ገልጸዋል፡፡

ፕረዚዳንቱ ‘ ሀገራችን ሀዘን ላይ ናት’ ም ብለዋል፡፡ ሀማድ ባኮዮኮ የቀድሞ የአይቮሪ ኮስት ጠቅላይ ሚኒሰትር አማዱ ጎን ኩሊባሊን ድነገተኛ ህልፈት ተከትሎ ባለፈው ሀምሌ ወር ጠቅላይ ሚኒሰትር ሆነው ወደ መሪነት መምጣታቸው ይታወሳል፡፡