ከቤተ ሙከራ የጠፉት አስጊ ቫይረሶች

በቤተ ሙከራ ውስጥ የነበሩት ቫይረሶቹ ከእንስሳት ወደ ሰው መተላለፍ የሚችሉ ቫይረሶች እንዳሉበት ተገልጿል

በአውስትራሊያ ኪዊንስላንድ ግዛት 100 የሆኑ እና ለሰው ልጆች አስጊ የሚባሉ ቫይረሶች ከቤተ ሙከራ ጠፍተውብኛል ብላለች፡፡

ቫይረሶቹ እንዴት እና መቼ እንደጠፉ አልታወቀም የተባለ ሲሆን በጉዳዩ ዙሪያ ምርመራ እንዲደረግ የሐገሪቱ ፍትህ ቢሮ አስታውቋል፡፡

ከጠፉት ቫይረሶች መካከል የእብድ ውሻ በሽታ፣ የፈረስ ወረርሽኝ እና ሌሎች በሽታ አምጪ ቫይረሶች አሉበትም ተብሏል፡፡

እንደ አውስትራሊያ ጤና ሚኒስትር ቲም ኒኮላስ መግለጫ ከሆነ ተጨማሪ ቫይረሶችም የተቀመጡበት ማቀዝቀዣ በመሰበሩ የቫይረሶች ሳምፕል ማዕከል ጠፍቷል ብለዋል፡፡

በመሆኑም ቫይረሶቹ ካሳለፍነው ነሀሴ ወር ጀምሮ ይወገዱ ወይም ይጥፉ እስካሁን አልታወቀም ሲል ኤቢሲ ዘግቧል፡፡

ሁኔታው አሳሳቢ ነው ያሉት ሚኒስትሩ እነዚህ ለሰው ልጆች ጤና አስጊ የሆኑት ቫይረሶቹ ሆን ተብለው ይሰረቁ አልያም የሆነ ቦታ በጥንቃቄ ይቀመጡ የታወቀ ነገር እንደሌለም ተናግረዋል፡፡

አስተራዜኒካ ኩባንያ የኮሮና ቫይረስ ክትባት የደም መርጋት በሽታ እንደሚያስከትል አመነ

ቫይረሶቹ በኩዊንስላንድ ቤተ ሙከራ አካባቢ ከጠፉ በሙቀቱ ምክንያት ሊሞቱ እና በሰው ልጆች ላይ የከፋ ጉዳት ላያደርሱ ይችላሉም ተብሏል፡፡

ይሁንና ጠፉ የተባሉት ቫይረሶች በትክክል የት እንዳሉ አለመታወቁ በተለይም ሄንድራ የተሰኘው ቫይረስ ከእንስሳት ወደ ሰው መተላለፍ የሚችል አቅም ያለው መሆኑ ስጋት ደቅኗል፡፡

በአውስትራሊያዋ ብሪስቤን ከተማ እና አቅራቢያ ባሉ አካባቢዎች ውስጥ ባለፉት 30 ዓመታት ውስጥ 66 ያልታወቁ ወረርሽኞች የተከሰቱ ሲሆን ሰዎችን ጨምሮ ፈረሶች በቫይረሱ ምክንት ሞተዋል፡፡

በመሆኑም ጠፉ የተባሉት ቫይረሶች ያሉበት ሁኔታን ለማወቅ ምርመራ የተጀመረ ሲሆን ጉዳዩ ዓመታትን ሊወስድ እንደሚችል ተገልጿል፡፡