የኢትዮጵያ ንግድ ባንክ መጠነኛ ጭማሪ አድርጓ 1 ዶላርን በ124 ብር እየገዛ ይገኛል
ኢትዮጵያ ገበያ መር የውጭ ምንዛሬ ተመን ስርአት ተግባራዊ እንዲደረግ መወሰኗን ተከትሎ ባንኮች በየእለቱ የውጭ ምንዛሬ ተመን ይፋ ማድረጋቸውን ቀጥለዋል።
የኢትዮጵያ ንግድ ባንክ ዛሬ ታህሳስ 24 ቀን 2017 ዓ.ም የውጭ ሀገር ገንዘቦችን የሚገዛበትን እና የሚሸጥበትን ተመን ይፋ ሲያደርግ የትናንቱን ዋጋ አስቀጥሏል። ባንኩ አንድ የአሜሪካ ዶላርን በ124.0086 ብር እየገዛ በ126.4888 ብር እየሸጠ መሆኑን አስታውቋል።
የኢትዮጵያ ልማት ባንክ አንድ የአሜሪካ ዶላርን በ124.7128 ብር እየገዛ በ127.2071 ብር እየሸጠ እንደሚገኝ ገልጿል።
ዳሽን ባንክ ከአንድ ወር በፊት በፊት ያወጣውን ተመን ያስቀጠለ ሲሆን አንድ ዶላርን በ124.7171 ብር በመግዛት በ127.2114 ብር እየሸጠ ይገኛል።
አቢሲኒያ ባንክ ባለፈው ሳምንት ያወጣውን የምንዛሬ ተመን አስቀጥሏል። በዚህም አንድ ዶላርን በ124.7045 ብር እየሸጠ በ127.1986 ብር እየሸጠ ነው።
ብርሃን ባንክ የምንዛሬ ተመኑ ላይ መጠነኛ የሳንቲም ጭማሪ አድርጎ አንድ የአሜሪካ ዶላርን በ124.8090 ብር ገዝቶ በ127.3052 ብር እየሸጠ መሆኑን አስታውቋል።
ጸደይ ባንክ የታህሳስ 24 2017 የውጭ የውጭ ምንዛሬ ተመኑን ይፋ ሲያደርግ በዶላር መግዣ ዋጋው ላይ መጠነኛ የሳንቲም ጭማሪ አድርጓል። በዚህም አንድ ዶላርን በ124.8534 ብር ገዝቶ በ127.3505 ብር እየሸጠ ነው።