የአኩሪ አተር ምርታማነትን ለማሳደግ ጥቅም ላይ የዋለው ድሮን

በድሮን የሚነሱት ምስሎች ለአየር ንብረት ለውጥ የማይበገር የአኩሪ አተር ዝርያን ለመለየት ያግዛሉ ተብሏል

በሰሜን እና ማዕከላዊ አሜሪካ የሚገኙ አርሶ አደሮች አኩሪ አተር በብዛት ያመርታሉ።

የአየር ንብረት ለውጥ ባሳደረው ተጽዕኖ ምክንያት ግን የአኩሪ አተር ምርታማነት በየአመቱ እየቀነሰ መሄዱ ይነገራል።

በኢንዲያና ግዛት የሚገኘው ፐርድዩ ዩኒቨርሲቲም ለአየር ንብረት ለውጥ የማይበገር የአኩሪ አተር ዝርያን ለመለየት ምርምር ከጀመረ ዋል አደር ብሏል።

በቅርቡም ድሮኖችን ጥቅም ላይ አውሎ ተስፋ ሰጪ ውጤት መገኘቱን ሞርኒንግ ኢን ክሊፕስ የተሰኘው ድረገጽ አስነብቧል።

• አየርላንድ የአየር ብክለትን ለመከላከል 200 ሺህ ላሞችን ልታርድ ነው

ኬቲ ሬኔይ እና ኬት ቺርከር የተባሉት ተመራማሪዎች በማሳ ላይ የሚገኝ አኩሪ አተር እድገትን በተለያየ አቅጣጫ ምስል የሚያነሱ ድሮኖችን ወደ ስራ አስገብተዋል።

ድሮኖቹ በየቀኑ የሚያነሱት ምስል የተዘራው አኩሪ አተር የእድገት ደረጃ እና የባዮማስ መጠን ለመለየት እንደሚያግዟቸው ተናግረዋል።

በፐርድዩ ዩኒቨርሲቲ የአኩሪ አተር ምርምር ማዕከል ሃላፊዋ ኬቲ ሬኔይ፥ በድሮኖቹ የሚነሱት ምስሎች በማዕከሉ መሳሪያዎች ሲተነተኑ የተገኘው ውጤት አስደሳች ነው ብለዋል።

• አውሮፓ ከፊቱ ፈጣን ድርቅ ተደቅኖበታል ተባለ

በቀጣይም ተለዋዋጭ በሆነ የአየር ንብረት ሁኔታ ቢዘራ ፍሬያማ ፍሬ ያለውን የአኩሪ አተር ዝርያ ለመለየት ለምናደርገው ምርምር የድሮኖቹ በጣም በቅርበት የሚነሱት ምስሎች እጅግ አጋዥ እንደሚሆኑም ነው ያብራሩት።

በአሜሪካ ለአየር ንብረት ለውጥ የማይበገር የአኩሪ አተር ዝርያን ለማግኘት ስምንት ዩኒቨርሲቲዎች ምርምር እያደረጉ ይገኛሉ።

በዘርፉ የተለየ የምርምር ውጤት ይዘው ለሚመጡ ተመራማሪዎችም እስከ 900 ሺህ ዶላር ድጋፍ የሚያደርግ ፕሮጀክት አቋቁመዋል።