መንቀጥቀጡ የህይወትም ሆነ የንብረት ጉዳት አላደረሰም ተብሏል
ሱዳንና ኤርትራ በሚዋሰኑበት ድንበር አቅራቢያ የመሬት መንቀጥቀጥ ማጋጠሙ ተገለጸ፡፡
የመሬት መንቀጥቀጡ በሱዳን ከሰላ አካባቢ ያጋጠመ ነው ተብሏል፡፡
የአይን እማኞች እንደገለጹት ጠንካራና ለደቂቃዎች የዘለቀ ነበር፡፡ ሆኖም የመሬት መንቀጥቀጡ ልኬት በሬክተር ስኬል ምን ያህል እንደሆነ የተገለጸ ነገር የለም፡፡
በተመሳሳይ በኤርትራ ሰሜን ምዕራባዊ አጎርዳት በሬክተር ስኬል 4 ነጥብ 4 ማግኔቲዩድ የተለካ የመሬት መንቀጥቀጥ ማጋጠሙን የማስታወቂያ ሚኒስትር የማነ ገብረ መስቀል አስታውቀዋል፡፡
ሚኒስትሩ በመሬት መንቀጥቀጡ የደረሰ የህይወትም ሆነ የንብረት ጉዳት እንደሌለም ገልጸዋል፡፡
