የጥምቀት በዓልን የሚያከብሩ የዓለም ሀገራት የትኞቹ ናቸው?

ኢትዮጵያ፣ ኤርትራ፣ ሩሲያ፣ ዩክሬን እና ጆርዳን ጥምቀትን በማክበር በቀዳሚነት የሚጠቀሱ ሀገራት ናቸው

ኢየሱስ ክርስቶስ በፈለገ ዮርዳኖስ የተጠመቀበትን ዕለት በማሰብ የሚከበረው የጥምቀት በዓል በተለያዩ የአለም ሀገራት በሚገኙ የኦርቶዶክስ እምነት ተከታዮች ዘንድ ከሚከበሩ ዓመታዊ በዓሎች አንዱ ነው።

• የጥምቀት በዓል ተከበረ

በዚህም ኢትዮጵያን ጨምሮ በተለያዩ ሀገራት ያሉ የእምነቱ ተከታዮች የጥምቀት በዓልን በተለያዩ ስነ ስርዓቶች ለዘመናት እያከበሩ እዚህ ደርሰዋል።

በዓሉ ዛሬ ማለትም ጥቀምት 11 የሚከበርባው ሀገራት ውስጥም ኢትዮጵያ ኤርትራ እና ጆርዳን ተጠቃሽ መሆናቸው ይታወቃል።

የጥምቀት በዓል በኢትዮጵያ እና በኤርትራ በተመሳሳይ ኃይማኖታዊ ስርዓት ነው ተከብሮ የሚለውለው።

ከ90 ሚሊየን በላይ የኦርቶድክስ እምነት ተከታዮች ያሏት ሩሲያም የጥምቀት በዓልን በድምቀት ከሚያከብሩ ሀገራ መካከል ተጠቃሽ ነች።

የሩሲያ ኦርቶዶክስ እምነት ተከታዮች የእየሱስ ክርስቶስ በዮርዳኖስ ወንዝ መጠመቅን እና ሶስቱ ስላሴዎችን ለማስታወስ በበረዶ ውሃ ውስጥ ራሳቸውን ሶስት ጊዜ ይነከራሉ።

የሩሲያ ኦርቶዶክሳዊያን ለሶስት ጊዜያት ራሳቸውን በበረዶ ውሃ ውስጥ መንከር ሀጢያታቸውን ያነፃል ብለው ያምናሉ።

የእምነቱ ተከታዮች በጥምቀት ወቅት ሁሉም ውሃ የተቀደሰ መሆኑን የሚያምኑ ሲሆን፥ በረዶውም ጤናቸው ላይ በጎ ተፅዕኖ እንዳለውም ያምናሉ።

ዩክሬናውያንም በረዶን በመስቀል ቅርጽ ከቆረጦ በኋላ በክስ ባለ ውሃ ምስጥ ራሳቸውን በመንከር የጥ፣ቀት በዓልን የሚያከብሩ መሆኑ ይታወቃል።

• የከተራ በዓል አከባበር በፎቶ

በተወሰኑ የአውሮፓ ሀገራት የሚገኙ የኦርቶዶክስ እምነት ተከታዮችም በጥልቁ ቀዝቃዛ ውሃ ውስጥ በዋና ውድድር የታጀበን የጥምቀት በዓል ያሳልፋሉ።

በቦስኒያ እና ሄርዞጎቪኒያ የሚገኙት የእምነቱ ተከታዮች በቄሶች ወደ ውሃ የተጣለውን የእንጨት መስቀል ለመያዝ የሚደረግ የዋና ፉክክር ይደረጋል።

በዚህ የዋና ውድድር መስቀሉን መያዝ የቻለው እና ወደ መሬት የመለሰው ግለሰብ ዓመቱን በሙሉ የተባረከ ይሆናል ብለውም ያምናሉ።