የጥምቀት በዓል ተከበረ

የጥምቀት በዓል ኢየሱስ ክርስቶስ በፈለገ ዮርዳኖስ የተጠመቀበትን ዕለት በማሰብ ዘንድ የሚከበር በዓል ነው

የጥምቀት በዓል በመላው የኢትዮጵያ ኦርቶዶክስ ተዋህዶ ቤተክርስቲያን እምነት ተከታዮች ዘንድ ዛሬ ተከብሮ ውሏል።

በመላ ሀገሪቱ ትናንት ታቦታት ከአድባራት ወጥተው በካህናት፣ በዲያቆናት እና በምዕመናን ታጅበው ወደ ጥምቀተ ባህሩ በመውረድ በዚያው ማደራቸው ይታወቃል።

• የከተራ በዓል አከባበር በፎቶ

ዛሬ ማለዳ በዓሉ ታቦታቱ ባደሩባቸው ጥምቀተ ባህር በተለያዩ ሃይማኖታዊ ስነ ስርዓቶች ተከብሮ ውሏል።

የጥምቀት በዓል በአዲስ አበባ ጃንሜዳ በኦርቶዶክስ ተዋህዶ እምነት ተከታዮች ዘንድ በድምቀት ተከብሮ ውሏል።

ኢየሱስ ክርስቶስ በፈለገ ዮርዳኖስ የተጠመቀበትን ዕለት በማሰብ በክርስትና እምነት ተከታዮች ዘንድ የሚከበረው የጥምቀት በዓል ሃይማኖታዊ ስነ ስርዓቱን በጠበቀ መልኩ በጃንሜዳ ተከብሮ ውሏል።

በዓሉ በሀገር አቀፍ ደራጀም በጎንደር ከተማ በኦርቶዶክስ ተዋህዶ እምነት ተከታዮች ዘንድ በድምቀት እየተከበረ ነው።

• ጥምቀት ዩኔስኮ

በበዓሉ አከባበር ስነ ስርዓት ላይ በርካታ የሀገር ውስጥና የውጭ ሀገር ዜጎች እንዲሁም የፌደራል እና የክልል መንግስታት ከፍተኛ የስራ ኃላፊዎች፣ አርቲስቶች፣ የሰብዓዊ መብት ተሟጋቾችና የደብር አስተዳዳሪዎች ተገኝተዋል።

በተጨማሪም በዓሉ በባህር ዳር፣ በሃዋሳ፣ በጅማ፣ በሻሸመኔ፣ በሆሳዕና፣ በባቱ፣ በደብረ ብርሃን፣ በነቀምቴ ፣በጋምቤላ ፣ በምንጃር ኢራንቡቲ እና በተለያዩ አካባቢዎች ሃይማኖታዊ ስነ ስርዓቱን በጠበቀ መልኩ ተከብሮ ውሏል።

የጥምቀት በዓል ኢየሱስ ክርስቶስ በፈለገ ዮርዳኖስ የተጠመቀበትን ዕለት በማሰብ በክርስትና እምነት ተከታዮች ዘንድ የሚከበር በዓል ነው።