ኢትዮጵያ በሬሚታንስ ከፍተኛውን የውጭ ምንዛሬ ከአረብ ሀገራት እንደምታገኝ ተገለጸ

በኢትዮጵያ ከወንዶች ይልቅ ሴቶች የበለጠ እንደሚሰደዱ ተገልጿል

ኢትዮጵያ በሬሚታንስ (ኢትዮጵያውያን እና ትውለደ ኢትዮያውያንወደ ሀገር ቤት የሚልኩት ከንዘብ) ከፍተኛውን የውጭ ምንዛሬ ከአረብ ሀገራት እንደምታገኝ ተገለጸ።

ስደት የሰው ልጆች ተፈጥሯዊ ፍላጎት በመሆኑ ስደትን ማስቆም አልተቻለም።

የሰው ልጆችን ስደት በመረጃ ላይ የተመሰረተ፣ ህጋዊ እና ጉዳቶችን በሚቀንስ መልኩ እንዲካሄድ መንግሥት እና የተለያዩ ተቋማት በመስራት ላይ ናቸው።

ዓለም አቀፉ የሰራተኞች ድርጅት ወይም አይኤልኦ እንዳለው ከሆነ የመካከለኛ ምስራቋ ሀገር ሳውዲ አረቢያ አሁንም ኢትዮጵያዊያን በቀዳሚነት ከሚሰደዱባቸው ሀገራት መካከል ቀዳሚዋ ሀገር ናት።

ደቡብ አፍሪካ ሁለተኛዋ የኢትዮጵያውያን መዳረሻ ሀገር ስትሆን የተባበሩት አረብ ኢምሬት ደግሞ ሶስተኛዋ ሀገር እንደሆነች ይሄው ተቋም ገልጿል።

በዚህ ምክንያትም ኢትዮጵያ ዲያስፖራዎቿ ወደ ሀገራቸው በሚልኩት ገንዘብ መጠን ውስጥ ከአረብ ሀገራት የሚላከው ገቢ በአንጻራዊነት ከፍተኛው ነው ተብሏል።