ኢትዮጵያ ቡና ኤርትራዊ ተጫዋች አስፈረመ

ቡና የቀድሞውን የደደቢት እና የከፋ ቡና ተጫዋች ናትናኤል በርሔን ማስፈረሙንም አስታውቋል

ኢትዮጵያ ቡና እግር ኳስ ቡድን ኤርትራዊ ተጫዋች ማስፈረሙን አስታወቀ፡፡

ቡና የኤርትራ ብሔራዊ ቡድን አምበል እና የቀይ ባህር እግር ኳስ ክለብ ተጫዋች የነበረውን ሮቤል ተክለሚካኤልን ያስፈረመው፡፡

ሮቤል በሴካፋ ሀገራት ውድድር ላይ ኮከብ በሚል የተመረጠ ተጫዋች ነው

እስከ ሰኔ 30 ቀን 2014 ዓ.ም ከኢትዮጵያ ቡና ጋር ይቆያል ተብሏል፡፡

ቡና በተመሳሳይ ናትናኤል በርሔን አስፈርሟል፡፡

ናትናኤል ለደደቢት እንዲሁም ለከፋ ቡና ተጫውቷል፡፡

ተጫዋቹ ልክ እንደ ሮቤል ሁሉ እስከ ሰኔ 30 ቀን 2014 ዓ.ም እንደሚያቆይ ነው ቡና በማህበራዊ ገጹ ያስታወቀው፡፡