የብሔራዊ ቡድን ተጨዋች የነበረው አለልኝ አዘነ ህይወቱ በድንገት ማለፉን እግርኳስ ፌደሬሽን አስታወቀ

ለኢትዮጵያ ብሔራዊ ቡድን እና ለባህር ዳር ከተማ ሲጫወት የነበረው አለልኝ በድንገት ህይወቱ ማለፉን የኢትዮጵያ እግርኳስ ፌደሬሽን አስታወቀ

የብሔራዊ ቡድን ተጨዋች የነበረው አለልኝ አዘነ ህይወቱ በድንገት አለፈ።

ለኢትዮጵያ ብሔራዊ ቡድን እና ለባህር ዳር ከተማ ሲጫወት የነበረው አለልኝ አዘነ በድንገት ህይወቱ ማለፉን የኢትዮጵያ እግርኳስ ፌደሬሽን አስታወቀ።

ፌደሬሽኑ በፌስቡክ ገጹ ባወጣው መግለጫ ለብሔራዊ ቡድን ተመርጦ እየተጫወተ እንደነበር እና በአሁኑ ወቅት ምርጥ አቋም ካላቸው ተጨዋቾች አንዱ ነበር ብሏል።

ፌደሬሽኑ በዚህ መግለጫው ህልፈተ ህይወቱ ድንገት መሆኑን ከመግለጽ ውጭ የሞቱ ምክንያት ምን እንደሆነ አልገለጸም።

የተጨዋቹ ክለብ ባህር ዳር ከነማ ባወጣው የሀዘን መግለጫ አለልኝ በጉዳት ምክንያት ከቡድኑ ስብስብ ጋር እንዳልነበረ እና በአርባምንጭ ከተማ ህይወቱ በድንገት ማለፉን ገልጿል።

የተጨዋች አለልኝ ስርአተ ቀብር በትውልድ ቦታው አርባምንጭ በዛሬው እለት ይፈጸማል ብሏል ክለቡ።

ክለቡ እንደገለጸው አለልኝ ለባህርዳር ከነማ ለሁለት አመታት ያህል ተጫውቷል።