የግል ንግድ ባንኮች አንድ ዶላርን እስከ 123 ብር ገዝተው እስከ 127 ብር እየሸጡ ይገኛሉ
ኢትዮጵያ ገበያ መር የውጭ ምንዛሬ ተመን ስርአት ተግባራዊ እንዲደረግ መወሰኗን ተከትሎ ባንኮች በየእለቱ የውጭ ምንዛሬ ተመን ይፋ ማድረጋቸውን ቀጥለዋል።
የኢትዮጵያ ንግድ ባንክ ዛሬ ህዳር 14 ቀን 2017 ዓ.ም የውጭ ሀገር ገንዘቦችን የሚገዛበትን እና የሚሸጥበትን ዋጋ ይፋ ሲያደርግ ከሶስት ሳምንት በፊት ያወጣውን ተመን አሻሽሏል።
ባንኩ በዶላር መግዣ ላይ ከ3 ብር በላይ ጭማሪ አድርጎ አንድ የአሜሪካ ዶላርን በ122.5986 ብር እየገዛ በ125.0506 ብር እየሸጠ መሆኑን አስታውቋል።
ዳሽን ባንክ በእለታዊ የውጭ ምንዛሬ ተመኑ ላይ የሳንቲሞች ማሻሻያ በማድረግ ከፍተኛ የምንዛሬ ዋጋ አቅርቧል። ባንኩ አንድ ዶላርን በ124.7171 ብር እየገዛ በ127.2114 ብር እየሸጠ መሆኑን ገልጿል።
ኦሮሚያ ባንክ ዛሬ ህዳር 14 2017 አንድ የአሜሪካ ዶላርን በ123.6459 ብር ገዝቶ በ126.1188 ብር እየሸጠ እንደሚገኝ ባወጣው የምንዛሬ ተመን ጠቁሟል።
ብርሃን ባንክ አንድ ዶላርን በ123.2100 ብር ገዝቶ በ125.6742 ብር እየሸጠ እንደሚገኝ ገልጿል።
