100 ሺህ ዶላር የሚያሸልመው አዲሱ የፊፋ የእግር ኳስ ውድድር ምንድን ነው?

በውድድሩ ላይ አሰልጣኞች እና ተጫዋቾ ባሉበት ሆነው ይፋለሙበታል ተብሏል

100 ሺህ ዶላር የሚያሸልመው አዲሱ የፊፋ የእግር ኳስ ውድድር ምንድን ነው?

የዓለም እግር ኳስ ፌዴሬሽን ፊፋ ከዚህ በፊት ተደርጎ የማይታወቅ ለየት ያለ ውድድር ማዘጋጀቱን አስታውቋል፡፡

የቀድሞው የአርሰናል እግር ኳስ ቡድን አሰልጣኝ የሆኑት አርሰን ቪንገር አምባሳደር የሆኑበት ይህ ውድድር የእግር ኳስ ጠበብቶች ባሉበት ሆነው በታክቲክ የሚፋለሙበት እንደሆነ ተናግረዋል፡፡

በውድድሩ ለይ በመላው ዓለም ያሉ አሰልጣኞች ወደ ፊፋ ድረገጽ በመግባት መመዝገብ በውድድሩ ለይ ለመሳተፍ የመጀመሪያው መስፈርት ነውም ተብሏል፡፡

ውድድሩ ከነሀሴ 23 እስከ 26 ቀን 2016 ዓ.ም ይካሄዳል የተባለ ሲሆን በፊፋ ኢስፖርት ስር መዘጋጀቱን ቪንገር ለሮይተርስ ተናግረዋል፡፡

እንደ ዘገባው ከሆነ እግር ኳስ ተጫዋቾችም በፊፋ ድረገጽ ላይ ተመዝግበው በውድድሩ ላይ መካፈል ይችላሉ የተባለ ሲሆን አሰልጣኞች ከዚህ በፊት ያልሞከሯቸውን ታክቲኮች በበይነ መረብ አማካኝነት በጌም መልክ እንዲተገብሩት ያስችላቸዋልም ተብሏል፡፡

ታዋቂው የእግር ኳስ አሰልጣኝ ኤሪክሰን በህይወት የመቆየት እድሉ ለወራት ብቻ እንደሆነ ተናገረ

እንደ አርሰን ቪንገር ገለጻ ውድድሩ በዋናነት አሰልጣኞች አዲስ የእግር ኳስ አጨዋወት ስልት እንዲከተሉ ለማበረታታት ተብሎ የተዘጋጀ ነው፡፡

በታሪክ ለመጀመሪያ ጊዜ የተዘጋጀው ይህ ኢ-እግር ኳስ ስፖርት ውድድር አሸናፊ የሆነ አሰልጣኝ 100 ሺህ ዶላር ሽልማት እንደሚያገኝ ተገልጿል፡፡

ተመልካቾች ውድድሩን በፊፋ ድረገጽ እና ማህበራዊ ሚዲያ ትስስር ገጾች መመልከት እንዲችሉ ስራዎች እየተሰሩ እንደሆነም አርሰን ቪንገር ተናግረዋል፡፡