የቀድሞ አባ ገዳ አጋ ጤንጠኖ ከዚህ አለም በሞት ተለዩ

በምዕራብ ጉጂ ዞን ቡሌ ሆራ ወረዳ የተወለዱት አባ ገዳ አጋ ጤንጠኖ በ77 ዓመታቸው ከዚህ ዓለም በሞት ተለይተዋል

የቀድሞ የጉጂ አባ ገዳ የክብር ዶከተር አጋ ጤንጠኖ ከዚህ አለም በሞት መለየታቸው ተሰምቷል

በምዕራብ ጉጂ ዞን ቡሌ ሆራ ወረዳ የተወለዱት አባገዳ አጋ ጤንጠኖ በ77 ዓመታው ከዚህ ዓለም በሞት መለየታቸውን ኦ.ቢ.ኤን ዘግቧል።

አባ ገዳ አጋ ጤንጠኖ በ1990 ባሊ በመቀበል እስከ 2000 ዓ.ም ድረስ አባ ገዳ በመሆን ማገልገላቸውም ተነግሯል።

ከአባ ገዳ ዘመናቸው መጠናቀቅ በኋላ ዩባ የነበሩት የቀድሞ አባ ገዳ የክብር ዶከተር አጋ ጤንጠኖ ለኦሮሞ ህዝብ ባህል እና እሴት ማደግ ከፍተኛ አስተዋጾ ኦ ማበርካተቸው ይነገራል።

አባገዳ አጋ ጤንጠኖ በአባገዳ ዘመናቸው ወይም ባሊ በእጃቸው በነበረበት ወቅት፣ እንዲሁም ከዚያ በኋላ ለአገር ሰላም ከፍተኛ አስተዋጽኦ ያበረከቱ አባገዳ እንደነበሩም ተነግሯል።