የቀድሞው ማጎሪያ ካምፕ ጸኃፊ በናዚ የጦር ወንጀል ጥፋተኛ ተባሉ

ፍርድ ቤቱ የሴትዮዋ ሚና “ለካምፑ አደረጃጀት እና ጨካኝ እና ስልታዊ ግድያ አስፈላጊ የሆኑትን ወረቀቶች ማጠናቀቅ ነበር”ብሏል

የ97 ዓመቷ ሴት የናዚ ማጎሪያ ካምፕ ጸሃፊ በመሆን በሺህ የሚቆጠሩ ሰዎች እንዲገደሉ ሚና ነበራቸው በሚል ጥፋተኛ ናቸው የሚል ውሳኔ ተላልፎባቸዋል፡፡

ሴትዮዋ በሁለተኛው የዓለም ጦርነት ወቅት የተፈጸሙ ወንጀሎች የመጨረሻዋ ተጠያቂ መሆናቸውን ሮቶርስ ዘግቧል፡፡

በሰሜናዊቷ ኢዜሆይ የሚገኘው የወረዳ ፍርድ ቤት ኢርምጋርድ ፉርቸነር የ10ሺ 505 ሰዎች እንዲገደሉ በማድረግ እና በአምስት ሰዎች ላይ የግድያ ሙከራ በማድጋቸው የሁለት አመት የእገዳ ቅጣት አስተላልፏል ሲል የፍርድ ቤቱ ቃል አቀባይ ተናግሯል።

ፍርድ ቤቱ የሰጠው መግለጫ እስረኞቹ በጭካኔ የተገደሉት በጋዝ፣ በካምፑ ውስጥ ባለው የጥላቻ ሁኔታ፣ ወደ አውሽዊትዝ-ቢርኬናው ማጥፋት ካምፕ በማጓጓዝ እና የሞት ሰልፎች እየተባሉ በመላክ ነው ብሏል።

• ሩሲያ፤ የጀርመኑን ናዚ ያሸነፈችበትን “የድል ቀን” ነገ ታከብራለች

65ሺ የሚያህሉ ሰዎች በረሃብና በበሽታ ወይም በጋዝ ክፍል ውስጥ በጋዳንስክ አቅራቢያ በምትገኘው በስታትፍ በሚገኘው ካምፕ ውስጥ በዛሬው ፖላንድ ሞተዋል። እነሱም የጦር እስረኞችን እና በናዚዎች የማጥፋት ዘመቻ የተጠመዱ አይሁዶች ይገኙበታል።

የፍርድ ቤቱ መግለጫ አክሎም የተከሰሱት ሴትዮዋ ሚና “ለካምፑ አደረጃጀት እና ጨካኝ እና ስልታዊ ግድያ አስፈላጊ የሆኑትን ወረቀቶች ማጠናቀቅ ነበር” ሲል ተናግሯል።

የግዛቱ አቃቤ ህግ ማክሲ ዋንትዘን "ይህ ችሎት መቋረጡ እና ጥፋተኛ የሆነበት ብይን መሰጠቱ ለተረፉት እና ለእኛ ዛሬ በጣም አስፈላጊ ነው" ብሏል።

ክሱ መጀመሪያ ላይ ፉርቸነር የ11ሺ 412 ሰዎችን ግድያ በመርዳት እና በመደገፍ ክስ አቅርቦ ነበር ነገር ግን በእያንዳንዱ ጉዳይ ፍርድ ቤቱን ጥፋተኛነቷን ለማሳመን በቂ ማስረጃ አልተገኘም።